افغانستان اور پاکستان کے لئےامریکہ کے خصوصی مندوب رچرڈ ہول بروک نے کہا ہے کہ ان کے خیال میں پاکستان ناکام ریاست نہیں ہے اگر چہ اسے شدید اورگونا گوں سماجی، سیاسی اور اقتصادی مسائل کا سامنا ہے۔
رچرڈ ہول بروُک نے منگل کے روز واشنگٹن میں قانون سازوں کو بتایا کہ مسائل کا مطلب یہ نہیں کہ پاکستان تباہی کے دہانے پر ہے۔
ہول بروک نے خارجہ امور کمیٹی کے سامنے حلفیہ بیان دیا۔ انہوں نے کہا کہ طالبان کی دراندازیوں سے پاکستان میں اور امریکہ میں دہشت سی طاری ہو گئی ہے اور پاکستان واقعی سخت آزمائش میں ہے لیکن امریکہ پاکستان کو ہر حال میں ضروری مدد اور تعاون بہم پہنچاتا رہے گا۔