سمندری طوفان گستاف نے امریکی ساحلی علاقوں میں تباہی مچادی
August 31, 2008
لوگ نیو اورلینز کے ٹرین سٹیشن کے باہر جمع ہو رہے ہیں تاکہ شہر سے باہر جا سکیں
طاقت ور سمندری طوفان گستاف نےمغربی کیوباسے ٹکرانے کے بعد امریکی خلیجی ساحل کو اپنا نشانہ بنایا ہے جہاں اس کی وجہ سے خاصی تباہی ہوئی ہے لیکن کوئی جانی نقصان نہیں ہوا۔
کیوبا سے گذرنے کے بعد گستاف کی شدت میں کمی آئی ہے لیکن توقع ہے کہ خلیج میکسکیو کے گرم پانیوں کو عبور کرتے ہوئے اس میں پھر شدت آجائےگی۔
امریکہ کے ہری کین سینٹر نے اتوار کی صبح ایک انتباہ جاری کیا جس میں کہاگیا ہے کہ پیر کی صبح تک نیوآرلیئنز شہر سمیت ساحل کے کچھ حصوں کو ہرکین کی صورت حال کا سامنا ہوسکتا ہے۔
ہری کین سینٹر نے کہا ہے کہ کیوبا سے ٹکراتے وقت گستاف کی ہواؤں کی رفتار 240 کلومیٹر فی گھنٹہ تھی جو اب کم ہوکر 200 کلومیٹر فی گھنٹہ ہوگئی ہے۔
موسمیات کے ماہرین نے کہا ہے کہ سمندری طوفان گستاف مٹی کے بڑے تودوں کے گرنے تک ایک بڑے سمندری طوفان کا روپ دھارے رہے گا اور امکان ہے کہ وہ نیوآرلیئنز کے قریب کسی مقام سے ٹکرائے گا۔ یہ شہر تین سال پہلے ہری کین کٹرینا سے تباہ ہوا تھا۔
کٹرینا کے باعث ریاست لوزیانا میں 1400 سے زیادہ افراد ہلاک ہوئے تھے ۔ طوفان کے متاثرین میں سے کئی سو نیو آرلیئنز میں تھے۔
اس شہر میں لوگوں کو لازمی طورپر گھر چھوڑ کر چلے جانے کے لیے کہا گیا ہے۔