សេចក្តីប្រកាសពត៌មាន ក្នុងឆ្នាំ២០១៣
- បកប្រែ:
- English
លោកឯកអគ្គរដ្ឋទូត Todd ជួបប្រជុំជាមួយក្រុមប្រឹក្សាយុវជន
ថ្ងៃទី១១ ខែមករា ឆ្នាំ២០១៣
នៅថ្ងៃទី១១ ខែមករា ឆ្នាំ២០១៣ លោកឯកអគ្គរដ្ឋទូត Todd បានជួបប្រជុំជាមួយក្រុមប្រឹក្សាយុវជន។ សមាជិកក្រុមប្រឹក្សាយុវជន ដែលតំណាងអោយខេត្តក្រុងមួយចំនួន បានជួបជាមួយលោកឯកអគ្គរដ្ឋទូត និងសមាជិកក្រុមអ្នកជំនួញអាមេរិក នៅកម្ពុជា។ ក្រុមប្រឹក្សាបានពិភាក្សាពីសំណើសុំបច្ចុប្បន្នលើគំរោងកម្មវិធីការងារកំពុងបន្តជាមួយយុវជនកម្ពុជា និងការខិតខំរបស់ក្រុមប្រឹក្សាក្នុងការពាំនាំកង្វល់របស់យុវជនប្រាប់ទៅអ្នកមានឥទ្ធិពល នៅក្នុងវិស័យសាធារណៈ និងវិស័យឯកជន។
លោកឯកអគ្គរដ្ឋទូត បានដឹកនាំកិច្ចសន្ទនាយ៉ាងផលផុសជាមួយសមាជិកក្រុមប្រឹក្សា លើព្រឹត្តិការណ៍បច្ចុប្បន្ន និងលើប្រធានបទ ដែលយុវជនកម្ពុជាមានការចាប់អារម្មណ៍ទៅលើ។ ក្នុងចំណោមប្រធានបទសន្ទនាទាំងនោះមានប្រធានបទស្តីពីការសិក្សាអប់រំ ការងារ ដំណើរការបោះឆ្នោតនៅកម្ពុជា និងពិធីបុណ្យបូជាព្រះបរមសព របស់ព្រះមហាវរក្សត្រ។ ក្រុមប្រឹក្សាក៏បានពិភាក្សាផងដែរពីផល នៃប្រព័ន្ធផ្សព្វផ្សាយសង្គមរបស់ស្ថានទូតសហរដ្ឋអាមេរិក និងវិធីកែលំអសកម្មភាពការងាររបស់ស្ថានទូតជាមួយសហគមន៍នានា។