Parlamenti irakian miratoi një projektligj që lejon trupat britanike dhe forca të tjera jo-amerikane të qendrojnë në vend edhe pas mbarimit të këtij viti.
Ligjëvënësit e miratuan projekt-ligjin dje me shumicë dërmuese votash, pas dorëheqjes së kryetarit të parlamentit Mahmud al-Mash Hadani, i cili e kishte kundërshtuar atë me forcë. Në fjalimin e lamtumirës, zoti Madani, një politikan suni kontradiktor, fyerjet e të cilit ndaj deputetëve të tjerë javën e kaluar pezulluan debatin, kërkoi falje për qëndrimin e tij.
Miratimi i projektligjit lejon tani që 4 mijë trupa britanike dhe një numër më i vogël nga Australia, Estonia dhe Rumania të qëndrojnë në Irak deri në korrik.
Në se ky ligj nuk do të miratohej para skadimit të mandatit të OKB-së më 31 dhjetor, trupat nuk do të kishin bazë ligjore për të qendruar në Irak.
Ndërkohë, Salvadori, një nga vendent anëtare të koalicionit të udhëhequr nga Shtetet e Bashkuara, bëri të njohur se do t’i tërheqë trupat deri në fund të muajit. (ze)