Yunanıstan ATƏT-in Gürcüstanda missiyasını davam etdirmək üçün yeni təkliflər irəli sürüb
15/01/2009
Yunanıstanın
Xarici İşlər naziri Dora Bakoyannis deyib ki, onun ölkəsi keçən il avqust
ayında Rusiya və və Gürcüstan arasında hərbi münaqişədən sonra Gürcüstanda
beynəlxalq monitorinqi saxlamaq üçün yeni təkliflər irəli sürüb. Avropada
Təhlükəsizlik və Əməkdaşlıq təşkilatının rotasiya üzrə sədrliyini icra edən
Yunanıstanın Xarici İşlər naziri Bakoyannis bu gün ATƏT-in Vyanada iclasında müxbirlərlə
danışıb. ATƏT yanvar ayının birində Rusiya mövcud mandatın uzadılmasından
imtina etdikdən sonra Gürcüstanda öz fəaliyyətlərini dayandırmışdı. Moksva
ATƏT-in müşahidəçilərini münaqişədə Gürcüstanın tərəfini tutmaqda ittiham
edərək, müşahidə missiyasına son qoymaq üçün öz veto hüququndan istifadə
etmişdir. Yunanıstanın təkliflərinin detalları açıqlanmayıb. Lakin Bakoyannis bildirib ki, ATƏT missiyanı
saxlamaq üçün səylərini davam etdirəcək.
Bu bəndlə razıyam: Bütün şərhlər sayta yerləşdirilməmişdən əvvəl redaktor tərəfindən nəzərdən keçiriləcək Göndərilən bəzi şərhlər saytda yerləşdirilməyə bilər Amerikanın Səsi sizin şərhinizdən dünya miqyasında özünün bütün media vasitələrində istifadə etmək hüququna malikdir. Terms & Conditions.