Ezemfundo ziqhubeka zibhidlika elizweni okuvezwa sobala yikusilela kwababalisi ezikolo bekhala ngeholo eliphezulu, sebefuna ukuhola ngemali yakwamanye amazwe, ukusilelela kwezinto zokusebenzisa ezikolo,ukuphuza ukumakwa kwemihloliso yanyakenye lokunye okunengi.Izokolo ezinengi eziqalise ukubizela ama school fees ngemali yakwamanye amazwe nyakenye zibikwa ziyizo ezenelise ukutholisa abantwana imfundo ngoba zilababalisi, kodwa kwezikahulumende ababalisi bakhalale umsebenzi phose umnyaka wonke. 

Namhlanje siqhubekela phambili sihlaziya udaba lokubhidlika kwezemfundo elizweni silomnumzana Dennis Sinyolo osebenzela inhlanganiso yeEeducation International njalo owake waba ngunobhala jikelele wenhlanganiso yababalisi eye ZIMTA endawonye loNkosazana Sibonile Ndlovu isiphathamandla seBulawayo Agenda.UNnkosazana Ndlovu usungula ingxoxo eyenziwe nguBrenda Moyo weStudio 7 esithi ezemfundo zizalungiseka kuphela sokulungiswe ezombusazwe.

Ezinye Indaba ZeStudio...