Inhlanganiso yamagqwetha alwela ilungelo loluntu
iZimbabwe Lawyers for Human Rights yethule umbiko isola ukusebenza
kwemithethwandaba yelizwe isithi imithethwandaba le isebenza yelekelele kakhulu
kuhulumende.
IZimbabwe Lawyers for Human Rights isola kakhulu ukuphathwa
kwecala eletheswa uNkosazana Jestina Mukoko umqondisi weZimbabwe Peace Project,
lamalunga ebandla le MDC alitshumi lasikhombisa etheswa icala lokufuna
ukugenqula uhulumende.
Lisola njalo ukungahlonitshwa kwezinqumo ezenziwe
yimithethwandaba ezigoqela esokuthi ababotshiweyo basiwe ezibhedlela
ukuyahlolwa ngodokotela, lokwehluleka ukuqhuba umsebenzi kwamapholisa enza kube
nzima ukuthi amagqwetha abone ababotshiweyo,lokunye okunengi.
UBrenda Moyo weStudio7 ukhulume legqwetha elilwela ilungelo
loluntu uNkosazana Anna Moyo othi kuliqiniso ukuthi imithethwandaba yelizwe
yenza okufunwa nguhulumende ingalandeli umthetho.
Ezinye Indaba ZeStudio7