Abasekeli beHighlanders sebeveze imbono etshiyeneyo phezu
kokutshiya isikhundla kuka Ernest Maphepha Sibanda ukuba ngumgcinisihlalo
waleli qembu.
Laloba bekhona abamhayayo besithi ubeqhuba kuhle umsebenzi wakhe,
abanengi bathi uSibanda ubeselibulele iqembu nanku phela liqede imidlalo
yanyakenye lingazange lithole lesicoco, ngitsho esisodwa.
Umhlangano waleli
qembu owe Annual General Meeting (AGM) uzaqhutshwa mhlaka 25 kuyonale inyanga, kuthi ukhetho lokudinga ozathatha isikhundla sikaSibanda lonobhala luzakwenziwa mhlaka
1 ngenyanga ezayo.
Umlandeli weBosso, ongomunye wabasola ubukhokheli buka Sibanda, uMnu Ernest Nkomo uthi uSibanda wazokhela amalahle ngokuxotsha
uMethembe Ndlovu ukuba ngumqeqetshi weBosso efaka uReuben Tsengwa, yena
osexotshiwe njalo kuqembu.
Ezinye indaba zeStudio 7...