UMongameli weSouth Africa njalo engumgcinisihlalo weSadc
uMnu Kgalema Motlanthe sesole kakhulu iZanu PF leMDC esithi amabandla la
katshengisi kuzinikela ekubunjweni kukahulumende womanyano.
Embikweni awethule
lamuhla uMotlanthe ukhuthaze ukuthi amabandla la avumelane abumbe uhulumende
ngokuphangisa kulungisiswe indubo ezikhona elizweni.
Amabandla la kavumelani
ekuthini abelane njani ingatsha zedale lecabinet, yikho nje uhulumende elokhu
engakabunjwa. Ingcwethi ecubungula ezombusazwe, uMnu Rejoyce Ngwenya utshele uNtungamili Nkomo weStudio 7 ukuthi
uvumelana loMotlanthe.
Ezinye indaba zeStudio 7...