سری لنکا: فوج نے ایلی فینٹ پاس پر قبضہ کرلیا
|
January 9, 2009
|
|
![[insert caption here] [insert caption here]](https://webarchive.library.unt.edu/eot2008/20090115185910im_/http://www.voanews.com/urdu/images/Nunan_SriLanka_TamilTigers_easterndivision_150.jpg) | سری لنکا کے باغی
| سری لنکا کی حکومت نے کہا ہے کہ فوج نے انتہائى اہم راستے ایلی فینٹ پاس پر قبضہ کرلیا ہے، جو کہ شمال میں تامل ٹائیگر باغیوں کا آخری مضبوط ٹھکانا تھا۔
فوجی عہدے داروں نے جمعے کے روز اس واقعے کا اعلان کیا ہے۔ اس سے ایک دن پہلے فوجی دستے اُس تنگ راستے میں داخل ہوئے تھے، جو جزیرہٴ نما جافنا کو باقی ملک سے ملاتا ہے۔
اس راستے پر فوج کا قبضہ فوجی حکمت عملی اور علامتی، دونوں لحاظ سے اہم ہے۔ اس لیے اس کے نتیجے میں تامل لوگوں کے پورے جزیرہ نما پر حکومت کا کنٹرول قائم ہوگیا ہے۔ فوج نے باغیوں کے دارالحکومت کلی نوچھی پر پچھلے ہفتے قبضہ کرلیا تھا۔
اسی دوران حکام نے کہا ہے کہ شمال مشرقی سری لنکا میں جمعے کے روز سیکیورٹی کے کم سے کم تین ارکان اور چار عام شہری اُس وقت ہلاک ہوگئے جب اُن کی موٹر گاڑی سڑک کے کنارے نصب بم سے جا ٹکرائى۔
|