 |
راؤل کاسترو (فائل فوٹو)
|
کیوبا کے صدر راؤل کاسترو نے کہا ہے کہ امریکہ کے اگلے صدر کے ساتھ براہِ راست مذاکرات کے لیے اُن کا دروازہ کھلا ہے۔انہوں نے کہا ہے کہ وہ براک اوباما کو ایک ایسا دیانت دار اور مخلص آدمی سمجھتے ہیں، جو دونوں ملکوں کے تعلقات کو بہتر بناسکتا ہے۔
تاہم مسٹر کاسترو نے کہا ہے کہ وہ کسی عجلت میں نہیں ہیں اور یہ کہ انہیں یقین نہیں کہ اوباما، کیوبا کے بارے میں ”مجموعی طور پر امریکہ کی معاندانہ پالیسی“ کو تبدیل کرسکتے ہیں۔
نو منتخب صدر اوباما یہ کہہ چکے ہیں کہ وہ کیوبا کے لیڈروں کے ساتھ بات کرنے پر آمادہ ہوں گے۔لیکن اُنہوں نے یہ بھی کہا ہے کہ وہ جمہوری تبدیلی کے لیے دباؤ ڈالنے کے ایک طریقے کے طور پر دیرینہ اقتصادی پابندیوں کو برقرار رکھیں گے۔
مسٹر کاسترو نے جمعے کو رات دیر گئے سرکاری ٹیلی ویژن پر یہ بات کہی تھی۔ اُس سے ایک دن پہلے کیوبا میں اُس انقلاب کی 50ویں سالگرہ منائى گئى تھی ، جس کے نتیجے میں اُن کے بھائى فیڈل کاسترو اقتدار میں آےٴ تھے۔
E-mail
پرنٹ کیجیئے
