|
(فائل فوٹو)
|
امریکہ کے نائب صدر ڈِک چینی نے قیدیوں دہشت گردوں کی نگرانی اور انٹیلی جینس جمع کرنے کے بارے میں بُش اتظامیہ کی پالیسوں کو دُرست قرار دیتے ہوےٴ اُنہیں زمانہ ٴجنگ کے دوران جائز کہا ہے۔
مسٹر چینی نے اتوار کو ٹیلی ویژن پر نشر ہونے والے ایک انٹرویو میں کہا ہے کہ سات برسوں میں ملک میں دہشت گردوں کا کوئى حملہ نہ ہونے کی سب سے بڑی وجہ انتظامیہ کی پالیسیاں ہیں۔
انہوں نےکہا کہ اُن کے خیال میں صدر جارج بُش نے ملک کا دفاع کرنے کے لیے اپنے جائز آئینی اختیارات کو استعمال کیا۔
چینی نے نومنتخب نائب صدر جو بائیڈن کی نکتہ چینی کو بھی مسترد کردیا، جنہوں نے چینی کو امریکہ کی تاریخ میں سب سے زیادہ خطرناک نائب صدر کہا تھا۔ چینی نے کہا کہ وہ اس قسم کے بیانات پر سنجیدگی سے توجہ نہیں دیتے۔
بُش انتظامیہ کو الزامات عائد کیے بغیر دہشت گردی کے شبہے میں لوگوں کو نظر بند رکھنے اور پوچھ گچھ کے درست طریقوں کے استعمال سمیت، دہشت گردی کےخلاف ا پنی جنگ کی پالیسیوں پر اندرونِ ملک اور بیرونِ ملک نکتہ چینی کا سامنا ہے۔