|
امیتابھ بچن کے لیے لائف ٹائم اچیومنٹ ایوارڈ
|
ہما ہارون
ممبئی
January 1, 2009
|
|
![[insert caption here] [insert caption here]](https://webarchive.library.unt.edu/eot2008/20090115203834im_/http://www.voanews.com/urdu/images/promo_Amitabh_Bachchan_31oct03_150_eng.jpg) | امیتابھ کا ’اینگری ینگ مین‘ کا امیج برقرار ہے
| امیتابھ بچن ہندی فلم انڈسٹری کا وہ نام ور ستارہ ہے جوگذشتہ پانچ دہائیوں سے بالی وڈ کے افق پر آب وتاب سے چمک رہا ہے ۔ بھارت کے ساتھ بین ا لاقوامی سطح پر بھی امیتابھ کی مقبولیت آسمان سے باتیں کرتی ہے ۔ حال ہی میں ایران کے 27 ویں انٹرنیشنل فجر فلم فیسٹیول کی جیوری نے امیتابھ کو لائف ٹائم اچیومینٹ ایوارڈ سے نوازنے کا اعلا ن کیا ہے ۔
یہ فلمی میلہ اگلے مہینے کی پہلی تاریخ سے 11 فروری تک تہران میں جاری رہے گا۔ امیتابھ کو فلم فیسٹیول میں شرکت کے لیے ایران مدعو کیا گیا ہے تاہم امیتابھ نے اپنے بلاگ پر اس بات کی وضاحت کی ہے کہ وہ فروری میں ُاسی دوران عالمی معاشی فورم کے پروگرام میں شرکت کے لیے حامی بھر چکے ہیں اور اسی لیے ان کا ایرانی فلم فیسٹیول میں شریک ہونا بےحد مشکل ہے۔
انٹرنیشنل فجر فلم فیسٹیول میں 50 ملکوں کی تقریبا 105 فلمیں ایرانی سنیمابینوں کے سامنے نمائش کے لیے پیش کی جائیں گی۔ واضح رہے کہ ایرانی عوام کے درمیان امیتابھ کی گذرے زمانے کی فلمیں شعلے اور شکتی کافی مقبول ہیں۔ حالانکہ اِن فلموں کو ریلیز ہوئے ایک مدت بیت چکی ہے تاہم اب بھی ایرانی سنیمابین کے ذہنوں میں امیتابھ کا اینگری ینگ مین کا امیج برقرار ہے۔
پچھلے سال بھوت ناتھ ، سرکار راج ، گاڈ تسی گریٹ ہو ، دی لاسٹ لیئر جیسی فلمیں دینے والے بالی وڈ کے شہنشاہ امیتابھ کے ایوارڈز کی فہرست کافی لمبی ہے اس کا اندازہ اِس بات سے لگایا جاسکتا ہے کہ یہ چھٹا موقع ہے جب امیتابھ کو لائف ٹائم اچیومینٹ کا اعزاز دیا جارہا ہے۔
|
|
|