កម្មវិធីផ្សេងៗ ក្នុងឆ្នាំ២០១៣
- បកប្រែ:
- English
សិស្សវិទ្យាល័យនៅកម្ពុជាស្វែងយល់ពីឱកាសសិក្សានៅសហរដ្ឋអាមេរិក
ថ្ងៃទី២១-២២ ខែមករា ឆ្នាំ២០១៣
ពិធីបើកនៅទីក្រុងភ្នំពេញមានការចូលរួមជាអធិបតី ដោយឯកឧត្តម អ៊ឹម សិទ្ធី រដ្ឋមន្រ្តីក្រសួងអប់រំ និងលោក Eric Meyer មន្រ្តីកុងស៊ុល របស់ស្ថានទូតអាមេរិក និងលោក Ruwan Hulugalle។
ពិព័ណ៌ស្តីពីការអប់រំ កម្ពុជា អាមេរិក ឆ្នាំ២០១៣ បានប្រព្រឹត្តទៅនៅថ្ងៃទី២១ ខែមករា នៅខេត្តសៀមរាប និងថ្ងៃទី២២ ខែមករា នៅភ្នំពេញ។ សាលានៅសហរដ្ឋអាមេរិកចំនួន ១០ បានចូលរួមក្នុងពិព័ណ៌រយៈពេល ២ ថ្ងៃនេះ ដើម្បីផ្សព្វផ្សាយកម្មវិធីរបស់គេដល់សិស្ស និស្សិតកម្ពុជា។ សាលាទាំងនោះរួមមានមហាវិទ្យាល័យ និងសាកលវិទ្យាល័យនៅរដ្ឋ California, New York, Washington, Illinois និង Missouri ។ ពិធីបើកនៅទីក្រុងភ្នំពេញមានការចូលរួមជាអធិបតី ដោយឯកឧត្តម អ៊ឹម សិទ្ធី រដ្ឋមន្រ្តីក្រសួងអប់រំ និងលោក Eric Meyer មន្រ្តីកុងស៊ុល របស់ស្ថានទូតអាមេរិក។ លោកទាំងពីរបានថ្លែងសុន្ទរកថាស្តីពីសារៈសំខាន់ នៃការពង្រីកឱកាសសិក្សាអប់រំ សំរាប់យុវជនកម្ពុជា។ ក្រុមហ៊ុន Ruwan Hulugalle & Company បានរៀបចំកម្មវិធីនេះបានយ៉ាងល្អ។ នេះគឺជាលើកទីពីហើយ ដែលក្រុមហ៊ុនបានរៀបចំពិព័ណ៌អំពីការអប់រំ នេះ។
ចូលរួមក្នុងពិព័ណ៌នោះដែរនៅភ្នំពេញ មានតំណាងមកពីមជ្ឈមណ្ឌលផ្តល់ប្រឹក្សាស្តីពីការអប់រំ នៅសហរដ្ឋអាមេរិក នៅភ្នំពេញ បុគ្គលិករបស់ផ្នែកកុងស៊ុលនៃស្ថានទូតអាមេរិក និងសមាជិកនៃក្រុមប្រឹក្សាយុវជនឯកអគ្គរដ្ឋទូតអាមេរិក។ ពិព័ណ៌នោះបានផ្តល់ឱកាសសំរាប់អោយសិស្សវិទ្យាល័យនៅកម្ពុជា និងឪពុកម្តាយរបស់គេបានដឹងពីជំរើសនានា ក្នុងការសិក្សានៅសហរដ្ឋអាមេរិក។ មជ្ឈមណ្ឌលផ្តល់ប្រឹក្សាស្តីពីការអប់រំនៅសហរដ្ឋអាមេរិកអាចផ្តល់ព័ត៌មានជាច្រើន ស្តីពីដំណើរការនៃការជ្រើសរើស និងដាក់ពាក្យចូលរៀនក្នុងសាលានៅសហរដ្ឋអាមេរិក ចំណែកផ្នែកកុងស៊ុល របស់ស្ថានទូតបានឆ្លើយសំណួរទាក់ទងនឹងការដាក់ពាក្យសុំទិដ្ឋាការ។
