សុន្ទរកថា
- បកប្រែ:
- English
សេចក្តីថ្លែងរបស់រដ្ឋមន្រ្តីក្រសួងការបរទេសសហរដ្ឋអាមេរិក Clinton ស្តីពីសោកនាដកម្មក្នុងពិធីបុណ្យអុំទូកនៅប្រទេសកម្ពុជា
តាងនាមអោយលោកប្រធានាធិបតី អូបាម៉ា និងប្រជាជនអាមេរិក ខ្ញុំសូមសំដែងនូវសមានទុក្ខយ៉ាងជ្រាលជ្រៅចំពោះការបាត់បង់អាយុជីវិត និងការរងរបួសប្រកបដោយសោកនាដកម្ម នៅទីក្រុងភ្នំពេញ ក្នុងពិធីបុណ្យអុំទូកប្រចាំឆ្នាំនៅប្រទេសកម្ពុជា។ យើងសូមធ្វើការបន់ស្រន់អោយប្រកបតែសេចក្តីសុខដល់គ្រួសារ និងមិត្តភក្តិរបស់ជនរងគ្រោះ ហើយនិងប្រជាជនគ្រប់គ្នានៃព្រះរាជាណាចក្រកម្ពុជា។ ខ្ញុំបានឃើញដោយផ្ទាល់នូវភាពខ្លាំង និងស្មារតីរឹងប៉ឹងរបស់គេ ក្នុងអំឡុងទស្សនកិច្ចរបស់ខ្ញុំ នៅក្នុងពេលថ្មីៗនេះ ហើយខ្ញុំមានជំនឿជឿជាក់ថា ពួកគេនឹងប្រឹងប្រែងតស៊ូរួមគ្នា ក្នុងរយៈកាលដ៏លំបាកនេះ។