សុន្ទរកថា
- បកប្រែ:
- English
សុន្ទរកថារបស់លោកស្រីឯអគ្គរាជទូត Carol Rodley នៅក្នុងពិធីអាហារពេលល្ងាច បន្ទាប់ពីសន្និសីទ
ថ្ងៃទី ២១ ខែកក្តដា ឆ្នាំ២០១០
សួស្តី! ខ្ញុំមានសេចក្តីរីករាយសូមស្វាគមន៍លោក លោកស្រី អ្នកនាងកញ្ញាទាំងអស់នៅទីនេះ។
ខ្ញុំសូមចូលរួមអបអរសាទរជាមួយ លោក លោកស្រី ចំពោះការចាប់ផ្តើមប្រកបដោយជោគជ័យនៃសន្និសីទសិក្សានេះ។ វាជាកិតិ្តយសយ៉ាងពិតប្រាកដ ដែលមានអ្នកមានចំណេះដឹងយ៉ាងច្រើនស្តីពីទំនាក់ទំនងរវាង សហរដ្ឋអាមេរិក និងកម្ពុជា មកជួបជុំគ្នា ក្នុងបន្ទប់តែមួយដូច្នេះ ហើយខ្ញុំក៏សូមអរគុណចំពោះការចំណាយពេលវេលាដ៏មមាញឹករបស់ លោក លោកស្រី ដើម្បីមានវត្តមាននៅទីនេះ។
ខ្ញុំស្គាល់លោក លោកស្រីភាគច្រើន ហើយខ្ញុំមានសេចក្តីត្រេកអរក្នុងការបានស្គាល់អ្នកផ្សេងទៀតក្នុងសប្តាហ៍នេះ។ អ្វីដែលធ្វើអោយខ្ញុំស្ងើចសរសើរបំផុតនោះគឺ ឆន្ទៈរបស់លោក លោកស្រី ការបង្កើនការយល់គ្នា និងមិត្តភាពរវាងពលរដ្ឋអាមេរិក និងពលរដ្ឋកម្ពុជា។
លោក លោកស្រី ធ្វើការចែករំលែកនេះតាមវិធីជាច្រើន ខ្លះនៅក្នុងសាលនៃសាកលវិទ្យាល័យ នៅក្នុងស្ថានទូត និងខ្លះទៀតនៅតាមក្រសួងនានានៅក្នុងរដ្ឋាភិបាលរបស់គេរៀងៗខ្លួន។ តែឆន្ទៈដូចគ្នានាំអោយ យើងទាំងអស់គ្នាមកជួបជុំគ្នានៅយប់នេះ។
ខ្ញុំបានលើកឡើង នៅក្នុងសុន្ទរកថារបស់ខ្ញុំជាច្រើនដងរួចមកហើយក្នុងអំឡុងសប្តាហ៍នេះ ថាចំណងទាក់ទងរវាងសហរដ្ឋអាមេរិក និងកម្ពុជាមិនដែលមានពេលណាបានល្អប្រសើរដូចពេលនេះឡើយ។ ហើយនេះគឺការបង្ហាញយ៉ាងពិតប្រាកដ និងជាលទ្ធផលដោយផ្ទាល់នៃការខិតខំប្រឹងប្រែងក្នុងអាជីពទាំងមូលរបស់លោក លោកស្រី។
ជាមួយគ្នានេះ ខ្ញុំក៏សូមអញ្ជើញលោក លោកស្រី រីករាយនៅវេលាល្ងាចនេះ ខណ:ដែលយើងបា្ររពខួបទី៦០ នៃមិត្តភាពរវាងសហរដ្ឋអាមេរិក និងកម្ពុជា។ សូមអញ្ជើញរីករាយ!