Emigrimi Përmes Familjes

Akti i Emigracionit dhe Kombësisë lejon emigrimin e të huajve në SH.B.A. bazuar nga lidhja familjare që përfituesi ka me një Qytetar të SH.B.A. ose me njё Rezident tё ligjshёm tё përhershëm me “Green Card”.  Emigrimi bazuar në familje ndahet në dy kategori: të palimituar dhe të limituar.

Të Palimituarit

• Të afërmit e Drejtpërdrejtё të një Qytetari Amerikan (IR):
  Bashkëshorti/ja, i/e ve, fëmija i pamartuar nën moshën 21 vjeç, dhe prindi i Qytetarit Amerikan me moshë 21 vjeç e sipër.
• Rezidentët që Rikthehen (SB):
  Emigrantët që kanë jetuar më parë në SH.B.A. si rezidentë të përhershëm tё ligjshëm dhe që janë duke u kthyer në SH.B.A. mbas një vizite jashtë SH.B.A. për më shumë se një vit.

Të Limituarit

• Preferenca e Parë Familjare (F1):
  Djemtë dhe Vajzat e pamartuar të Qytetarit Amerikan dhe fëmijët e tyre, nqs. kanë (23,400).
• Preferenca e Dytë Familjare (F2):
  Bashkëshortët/et, fëmijët minorё, dhe djemtë dhe vajzat e pamartuar (mbi 20 vjeç) tё rezidentëve të përhershëm tё ligjshёm (114,200). Të paktën 27 përqind e të gjithë vizave të kësaj kategorie janë për bashkëshortët/et dhe fëmijët; pjesa e mbetur do t'u lihet djemve dhe vajzave të pamartuar.
• Preferenca e Tretë Familjare (F3):
  Djemtë dhe Vajzat e martuar të Qytetarëve Amerikanё, si dhe bashkëshortët/et dhe fëmijët e tyre (23,400).
• Preferenca e Katërt Familjare (F4):
  Vëllezërit dhe motrat e Qytetarëve Amerikanё mbi moshën 21 vjeç, si dhe bashkëshortët/et dhe fëmijët e tyre, kur qytetarët Amerikanё janë të paktën 21 vjeç (65,000).

Për më shumë informacion, ju lutemi vizitoni faqen e Internetit të Departamentit Amerikan të Shtetit, Byrosë së Çështjeve Konsullore “Viza Emigruese të Bazuara në Lidhjen Familjare”.