សិក្សានៅសហរដ្ឋអាមេរិក
ការសិក្សាថ្នាក់មហាវិទ្យាល័យនៅក្នុងសហរដ្ឋអាមេរិកមានច្រើនលក្ខណៈនិងមានភាពវិមជ្ឈការ ។វាមានលក្ខណៈជាស្ថាប័នឧត្ដមសិក្សាដែលមានការប្រកួតប្រជែងនិងស្វ័យភាព ។ នៅពេលបច្ចុប្បន្ននេះមានមហាវិទ្យាល័យនិងសកលវិទ្យាល័យប្រហែល ៤ ១៨០នៅក្នុងសហរដ្ឋអាមេរិក ។ ក្នុងចំណោមនេះមាន១៧០០ គឺជាអ្វីដែលគេហៅថា "ស្ថាប័នសំរាប់រយៈពេល២ឆ្នាំ" ហើយមាន ២ ៤៥០ គឺជា "ស្ថាប័នសំរាប់រយៈពេល ៤ ឆ្នាំ" ។ ជាបន្ថែមលើស្ថាប័នសាធារណៈចំនួនប្រហែល ១ ៧០០(ដែលគ្រប់គ្រងដោយរដ្ឋ ក្រុង ឬសង្កាត់ ដែលស្ថាប័នទាំងនោះស្ថិតនៅ) មានមហាវិទ្យាល័យនិងសាកលវិទ្យាល័យឯកជនចំនួនជាង២ ៤៨០ទៀត ។ "មហាវិទ្យាល័យសហគមន៍"មានចំនួនច្រើនជាងគេក្នុងចំណោមស្ថាប័នរយៈពេល ២ ឆ្នាំ របស់អាមេរិកហើយវាល្អសំរាប់និស្សិតដំបូងៗដែលចង់ចាប់ផ្ដើមវគ្គដំបូងៗឬវគ្គទូទៅផ្នែកភាសា ។ នៅពេលនេះ មាននិស្សិតចំនួន ១៤លាននាក់ដែលកំពុងរៀននៅក្នុងស្ថាប័នមហាវិទ្យាល័យនៅក្នុងសហរដ្ឋអាមេរិក ហើយភាគច្រើនលើសលុបនៃនិស្សិតទាំងនេះ – ប្រហែល ១១ លាននាក់ -រៀននៅមហាវិទ្យាល័យនិងសាកលវិទ្យាល័យសាធារណៈ ។ និស្សិតស្រីមានចំនួនភាគច្រើន (ជាង ៥៦% នៃនិស្សិតសាកលវិទ្យាល័យអាមេរិក ។ ប្រការដែលគួរអោយចាប់អារម្មណ៍ផងដែរគឺថាចំនួនភាគរយខ្ពស់-ជិតដល់ ៤០% - គឺជានិស្សិតដែល រៀនមិនពេញពេល ពោលគឺអ្នករៀននៅក្នុងសាកលវិទ្យាល័យ ក្នុងពេលដែលគេធ្វើការពេញពេល) ។
ការសិក្សាថ្នាក់បរិញ្ញាប័ត្រនិងលើបរិញ្ញាប័ត្រ
ក្រៅពីមុខវិជ្ជាសិក្សាធម្មតានៅក្នុងសាលា ស្ថាប័នមហាវិទ្យាល័យនៅក្នុងសហរដ្ឋអាមេរិកថែមទាំងក្រៅពីមុខវិជ្ជាសិក្សាធម្មតានៅក្នុងសាលា ស្ថាប័នមហាវិទ្យាល័យនៅក្នុងសហរដ្ឋអាមេរិកថែមទាំង មានផ្ដល់កម្មវិធី praxis - oriented សំរាប់ការបណ្ដុះបណ្ដាលវិជ្ជាជីវៈកំរិតខ្ពស់ ។ កម្មវិធីបែបនេះច្រើនមាននៅក្នុង"មហាវិទ្យាល័យសហគមន៍" ដែលមានរយៈពេល ២ ឆ្នាំ ។ ជាបន្ថែមលើវិញ្ញាបនប័ត្រនិងសញ្ញាប័ត្រ សិស្សអាចទទួលបាន "បរិញ្ញាប័ត្ររង" បន្ទាប់ពីសិក្សាបានរយៈពេល ២ ឆ្នាំ ។
សញ្ញាប័ត្របរិញ្ញាដែលនិស្សិតអាមេរិកាំងទទួលបានគឺបរិញ្ញាប័ត្រ ។ គេទទួលបានសញ្ញាប័ត្រនេះ បន្ទាប់ពីសិក្សាចប់សព្វគ្រប់រយៈពេល ៤ ឆ្នាំ ។ នៅក្នុងរយៈពេល២ឆ្នាំដំបូង និស្សិតអាមេរិករៀនមុខវិជ្ជាទូទៅមួយចំនួនដែលចាំបាច់ ។ បន្ទាប់ពីរយៈពេល ២ ឆ្នាំនេះចប់ទៅ គេចាប់រៀនមុខវិជ្ជាសំខាន់មួយ (ឬពីរ) ហើយក្នុងរយៈពេល២ ឆ្នាំបន្ទាប់ទៀតនេះ គេរៀនផ្ដោតទៅលើមុខវិជ្ជានេះ (តែគេអាចនឹងចាប់រៀនមុខវិជ្ជា ផ្សេងទៀតជាមួយគ្នានោះក៏បានដែរ) ។ ក្រោយពីទទួលបានបរិញ្ញប័ត្រហើយ ជនជាតិអាមេរិកភាគច្រើនបញ្ចប់ "ការសិក្សា" របស់គេ ហើយស្វែងរកការងារធ្វើ ។ ការសិក្សារយៈពេលបួនឆ្នាំនេះមានឈ្មោះថា "ការសិក្សាដើម្បីយកសញ្ញាប័ត្រមហាវិទ្យាល័យលើកដំបូង" (Undergraduate Studies) ។ អ្នកដែលបន្ដការសិក្សាបន្ថែមទៀត នឹងទទួលបានសញ្ញាប័ត្រអនុបណ្ឌិត (Master of Arts ឬ Master of Science)បន្ទាប់ពី សិក្សាបន្ដរយៈពេលមួយឆ្នាំឬពីរឆ្នាំមក ។ សញ្ញាប័ត្រអនុបណ្ឌិតមានផ្ដល់តែនៅសាកលវិទ្យាល័យទេ ហើយ គ្មានផ្ដល់អោយនៅតាមមហាវិទ្យាល័យទេ ។ សាកលវិទ្យាល័យផ្ដល់សញ្ញាប័ត្រជំនាញអាជីព ដូចជាបណ្ឌិត ច្បាប់ វេជ្ជ បណ្ឌិត និង អនុបណ្ឌិតគ្រប់គ្រងក្រុមហ៊ុន (MBA) ។ ដើម្បីទទួលបានសញ្ញាប័ត្រជំនាញអាជីព ទាំងនេះ គេត្រូវសិក្សាពី២ ទៅ ៤ ឆ្នាំទៀត ។
នៅសហរដ្ឋអាមេរិក ដើម្បីទទួលបានសញ្ញាប័ត្របណ្ឌិត គេត្រូវរៀនពីបួនទៅប្រាំមួយឆ្នាំ ។ដំណាក់កាលដំបូងនៃការសិក្សាយកសញ្ញាប័ត្របណ្ឌិត តាមធម្មតា មានរយៈពេលពីរឆ្នាំហើយគេត្រូវឆ្លងកាត់ការប្រឡងយ៉ាងច្រើននៅក្នុងគ្រប់មុខវិជ្ជាទាំងអស់ ។គេហៅការប្រឡងនេះថា "ការប្រឡងជាបឋម" ។ក្រោយពីប្រឡងជាប់ហើយ គេអាចចាប់ផ្ដើមសរសេរនិក្ខេបបទថ្នាក់បណ្ឌិត (Doctoral Dissertation) របស់គេ ។
ការសិក្សាជាប់មិនដាច់ដែលនាំអោយគេអាចទទួលបានសញ្ញាប័ត្រអនុបណ្ឌិត ឬបណ្ឌិតគេហៅថា "ការសិក្សាថ្នាក់ក្រោយឧត្តម" (Graduate studies) ។
- Share
- Delicious
- Digg
- StumbleUpon
