សុន្ទរកថា ក្នុងឆ្នាំ២០១២
- បកប្រែ:
- English
សុន្ទរកថារបស់មន្រ្តីកិច្ចការសាធារណៈ លោក Sean McIntosh ស្តីពីការកសាងសមត្ថភាពដៃគូ ក្នុងលំហាត់ផ្លាស់ប្តូរខ្លឹមសារប្រធានបទជំនាញលើកទី៣
សណ្ឋាគារ Rafles Hotel Le Roya | ថ្ងៃទី១០ ខែធ្នូ ឆ្នាំ២០១២
សូមជំរាបសួលោកឧត្តមសេនីយ តាត ចាន់ថា ឯកឧត្តម លោកជំទាវ ភ្ញៀវកិត្តិយស និងសមាជិកកងរាជអាវុធហត្ថកម្ពុជា ។
ខ្ញុំមានសេចក្តីរីករាយសូមស្វាគមន៍ឯកឧត្តម លោកជំទាវ អស់លោក លោកស្រីក្នុងលំហាត់ផ្លាស់ប្តូរខ្លឹមសារប្រធានបទជំនាញលើកទី៣ នេះ។ លំហាត់នេះមានបំណងលើកកំពស់សមត្ថភាព របស់កងរាជអាវុធហត្ថក្នុងការវាយតំលៃ និងឆ្លើយតបនឹងគ្រោះមហន្តរាយ និងវិបត្តិ ដែលអាចកើតឡើងនៅក្នុងព្រះរាជាណាចក្រកម្ពុជា។
ក្នុងរយៈពេល ២ សប្តាហ៍បន្ទាប់នេះ យោធារបស់យើងទាំងពីរនឹងធ្វើការចែករំលែកមតិយោបល់ ការប្រតិបត្តិល្អ និងមេរៀន ដែលបានដកស្រង់ចេញពីបទពិសោធន៍ជាច្រើន។ តែជំនាញ និងបច្ចេកទេស ដែលនឹងត្រូវបានពិភាក្សានៅក្នុងលំហាត់ផ្លាស់ប្តូរនេះមិនមែនសំរាប់តែពេលមានគ្រោះមហន្តរាយតែប៉ុណ្ណោះទេ គឺកងរាជអាវុធហត្ថអាចប្រើវាពេញមួយឆ្នាំៗ។ យើងនឹងធ្វើការ និងគ្រោងផែនការជាមួយគ្នាដើម្បីសំរេចគោលដៅរួម ពោលគឺដើម្បីកាត់បន្ថយការប្រឈមនឹងគ្រោះថ្នាក់ របស់ប្រជាជន និងកែលំអសុខមាលភាព របស់ប្រជាជនកម្ពុជាគ្រប់រូប។
កេរ្តិ៍ដំណែលរបស់កងរាជអាវុធហត្ថក្នុងនាមជាកំលាំងនគរបាលយោធាប្រដាប់អាវុធនៅតែជាផ្នែកសំខាន់ចាំបាច់មួយ ក្នុងការពង្រឹងសន្តិសុខជាតិរបស់លោកអ្នក។ មិនថាមហន្តរាយ ឬវិបត្តិអ្វីក៏ដោយ ដែលព្រះរាជាណាចក្រកម្ពុជាអាចនឹងប្រឈមនៅពេលអនាគត កងរាជអាវុធហត្ថត្រៀមខ្លួនជាស្រេចក្នុងការធ្វើការឆ្លើយតប ការពារ និងបំរើ។ យើងមានកិត្តិយសដោយបានរៀនសូត្រ និងលើកកំពស់ខ្លួនជាមួយលោកអ្នក ជាដៃគូក្នុងកិច្ចសហប្រតិបត្តិការរវាងស៊ីវិល និងយោធា និងក្នុងមិត្តភាព។
ខ្ញុំសូមអរគុណរាជរដ្ឋាភិបាលកម្ពុជា ដែលផ្តល់ការគាំទ្រ លោកឧត្តមសេនីយ សៅ សុខា និងលោកឧត្តមសេនីយ តាត ចាន់ថា ចំពោះការប្តូរផ្តាច់ក្នុងការពង្រឹងសមត្ថភាព នៃកងកំលាំងរបស់លោក។ ជោគជ័យរបស់លោកអ្នកបន្តបង្ហាញអោយឃើញច្បាស់នូវការប្តេជ្ញាចិត្ត របស់លោកអ្នកចំពោះព្រះរាជាណាចក្រកម្ពុជា។ សូមអរគុណ។