សុន្ទរកថារបស់លោក Brad Arsenault មកពីការិយាល័យសន្តិសុខស្បៀង និងបរិស្ថានរបស់ទីភ្នាក់ងារ USAID ប្រចាំនៅកម្ពុជា ក្នុងវេទិកាស្តីពីកម្មវិធី WaterSHED៖ ធ្វើអោយទៅរូច នូវអ្វីដែលមិនអាចទៅរួច

សណ្ឋាគារភ្នំពេញ | ថ្ងៃទី២៧ ខែកញ្ញា ឆ្នាំ២០១២

ឯកឧត្តម លោក សៅ ជីវ័ន្ត អស់លោក លោកស្រី

តាងនាមអោយទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍អន្តរជាតិ (USAID) ខ្ញុំមានសេចក្តីរីករាយ ដែលបានចូលរួម ក្នុងវេទិកានេះ ដើម្បីពិភាក្សាពីទឹក និងអនាម័យ នៅតាមជនបទ នៃប្រទេសកម្ពុជា។ ទីភ្នាក់ងារ USAID មានមោទនភាព ដោយមានចំណែកក្នុងការរៀបចំកម្មវិធី WaterSHED នេះ ក្នុងរយៈពេល ៤ ឆ្នាំកន្លងទៅ ដែលផ្សាភ្ជាប់គ្នានូវអាទិភាពសំខាន់បំផុតពីររបស់យើង គឺការកាត់បន្ថយភាពក្រីក្រ តាមរយៈការអភិវឌ្ឍន៍សេដ្ឋកិច្ច និងកំណែលំអសុខភាព។

ដៃគូរបស់យើងនៅក្នុងតំបន់ គឺកម្មវិធី WaterSHED និងដៃគូក្នុងស្រុក របស់យើងក្នុងជួរដ្ឋាភិបាល និងវិស័យឯកជនបានបង្កើតគំរូបែបផែនថ្មីមួយ សំរាប់បំពេញសេចក្តីត្រូវការរបស់អ្នកប្រើប្រាស់ នៅតាមជនបទ ទៅលើទឹក និងអនាម័យ ដែលជាផលិតផល និងសេវា។ ទាំងនេះរួមមានបង្គន់ក្រៅផ្ទះ ដែលមានតំលៃសមល្មម ប្រដាប់ច្រោះទឹកធ្វើពីសេរ៉ាមិក និងប្រដាប់លាងដៃដែលទើបបង្កើតថ្មី។

លោក អន ហេងលី បានធ្វើការកត់សំគាល់ថា គិតរហូតមកដល់ពេលនេះ មានបង្គន់ក្រៅផ្ទះចំនួនជិត ៤០០០០ ត្រូវបានលក់ទៅអោយអ្នកប្រើប្រាស់ នៅតាមខេត្តចំនួន ៦ ដែលមានតំណាងនៅស្រាប់។ សហគ្រិនតូច និងមធ្យម ដែលបានធ្វើអោយការនេះមានទៅបានដោយសហការជាមួយរដ្ឋាភិបាល គួរតែទទួលបានការសរសើរពីយើងទាំងអស់គ្នា។

ខ្ញុំដឹងថា យើងនឹងបានលឺពួកគេមួយចំនួន នៅថ្ងៃនេះ តែសហគ្រាសផ្នែកទឹក និងអនាម័យចំនួនជិត ២០០ ដែលដំណើរការនៅទូទាំងខេត្តទាំងនេះ រាប់ពីខេត្តបាត់ដំបង ដល់ខេត្តតាកែវ ពិតជាបង្ហាញយើងពីវិធី “ធ្វើអោយទៅរូចនូវអ្វីដែលមិនអាចទៅរួច” ការខិតខំរបស់គេ និងឆន្ទៈរបស់គេក្នុងការប្រថុយ។

ខ្ញុំសូមថ្លែងការកោតសរសើរផងដែរ ដល់តួនាទីដ៏សំខាន់របស់ក្រសូងអភិវឌ្ឍន៍ជនបទ មន្ទីរអភិវឌ្ឍន៍ជនបទខេត្ត និងអាជ្ញាធរមូលដ្ឋាន ដោយរួមទាំងក្រុមប្រឹក្សាឃុំ ក្នុងការធ្វើអោយយុទ្ធសាស្រ្តនេះមាននិរន្តភាព និងជោគជ័យ។

ទីភ្នាក់ងារ USAID និងដៃគូអនុវត្តការងារ របស់យើងដឹងថា នៅតាមតំបន់ដែលមានការដឹកនាំរឹងមាំលើផ្នែកអនាម័យ របស់មេភូមិ និងមេឃុំ សហគមន៍ជាច្រើនសំរេចគោលដៅមានបង្គន់ប្រើប្រាស់ ១០០%។ នេះជាជោគជ័យដ៏សំខាន់ ស្របតាមគោលដៅអភិវឌ្ឍន៍សហសវត្ស ក្នុងការមានទឹកស្អាត និងអនាម័យ។

ក្នុងពេលយើងបន្តឃើញមានការផ្ទុះជំងឺទាក់ទង នឹងអនាម័យនៅទូទាំងប្រទេស យើងនឹកដល់សារៈសំខាន់ នៃទឹកស្អាត សំរាប់បរិភោគ អនាម័យល្អ និងការលាងដៃ។ ជំងឺជាច្រើនក្នុងចំណោមកុមារ និងមនុស្សធំគឺបណ្តាលមកពីទឹកមិនស្អាត ហើយនិងកង្វះអនាម័យសមស្រប។

ជំងឺដែលច្រើនតែសំលាប់កុមារគឺជំងឺរាគរូស។ ក្នុងចំណោមកុមារ ការចេះតែមានរាគរូសនាំអោយពួកគេក្រិន មិនសូវបានទៅរៀន ហើយរៀនមិនសូវចេះ។ អ្នកធ្វើការផ្នែកអភិវឌ្ឍន៍ និងសុខភាពដឹងថា កង្វះអាហាររូបត្ថម្ភមិនអាចដោះស្រាយបាន ដោយគ្មានអនាម័យល្អ និងទឹកស្អាតនោះទេ។ ក្រៅពីការប៉ះពាល់របស់វាទៅលើសុខភាព ជំងឺដែលរ៉ាំរ៉ៃ ឬឧស្សាហ៍កើតមានក្នុងចំណោមមនុស្សធំ នាំអោយគេធ្វើការមិនសូវបាន ហើយនាំដល់កំនើននៃភាពក្រីក្រ។

ដោយសារនៅពេលនេះ ភាពជាដៃគូរបស់ទីភ្នាក់ងារ USAID ជាមួយកម្មវិធី WaterSHED កំពុងតែឈានចូលក្នុងដំណាក់កាលថ្មី ខ្ញុំសូមថ្លែងសង្កត់ទៅលើលទ្ធផល និងការសំរេចបានមួយចំនួនតូច ដែលចេញពីភាពជាដៃគូរបស់យើង៖

ការធ្វើប្រភេទបង្គន់ ដែលចុះសោហ៊ុយតិច ក្រោមការឧបត្ថម្ភតាមរយៈគំរោងសហគ្រាសខ្នាតតូចបំផុត តូច និងមធ្យមក្នុងដំណាក់កាលទី២ របស់ទីភ្នាក់ងារ USAID
ការបង្កើតនិងជួយទ្រទ្រង់សហគ្រាសសង្គមចំនួន ២ ផ្នែកទឹកនៅប្រទេសកម្ពុជា និងនៅប្រទេសឡាវ
ការកសាងរោងចក្រធ្វើប្រដាប់ច្រោះទឹកធ្វើពីសេរ៉ាមិកធំ នៅខេត្តកំពង់ឆ្នាំង ដែលអាចផលិតប្រដាប់ចំរោះបានចំនួន ៨០០០ ក្នុងមួយខែ
ការធ្វើបង្ហាញសាកល្បងប្រកប ដោយជោគជ័យលើគំរោងជំនួយផ្អែកលើលទ្ធផលសំរាប់អនាម័យ ដែលទទួលបានថវិកាចំនួន ១០,៩ លានដុល្លា ពីមូលនិធិ Bill and Melinda Gates Foundation ដើម្បីលើកកំពស់បន្ថែម នៅប្រទេសកម្ពុជា និងប្រទេសវៀតណាម។
សំខាន់បំផុតគឺការពង្រឹង និងបង្កើតយុទ្ធសាស្រ្តថ្មីផ្តោតលើទីផ្សា សំរាប់សេវា និងផលិតផលអនាម័យ និងទឹក ធ្វើជាគំរូ សំរាប់និរន្តភាពយូរអង្វែងទៅមុខនៃលទ្ធផលពីការខិតខំទាំងនេះ។

ឧទាហរណ៍មួយនៃការជួយរបស់ទីភ្នាក់ងារ USAID ដែលខ្ញុំចង់សង្កត់ធ្ងន់ គឺការខិតខំរួមគ្នា ដែលត្រូវបានរៀបចំដោយកម្មវិធី WaterSHED និងដឹកនាំដោយក្រសួងអភិវឌ្ឍន៍ជនបទ ដើម្បីរៀបចំយុទ្ធនាការថ្នាក់ជាតិ សំរាប់ជំរុញផ្នែកអនាម័យ និងការផ្លាស់ប្តូរការប្រព្រឹត្ត។

យុទ្ធនាការនេះប្រើសារចំនួន ៣ ជាគន្លឹះ គឺ៖

ប្រើបង្គន់ជានិច្ច
ប្រើទឹកស្អាត
លាងដៃក្នុងពេលសំខាន់ៗ

សារទាំង ៣ នេះសំដៅលើអាកប្បកិរិយាសំខាន់ ៣ ដែលប្រឈមនឹងគ្រោះថ្នាក់ ដូចមាននិយាយនៅក្នុង “យុទ្ធសាស្រ្តថ្នាក់ជាតិសំរាប់ការផ្គត់ផ្គង់ទឹក និងអនាម័យនៅតាមជនបទ ពីឆ្នាំ២០១១ ដល់ឆ្នាំ២០២៥” របស់ក្រសួង។ យើងដឹងថា នៅពេលធនធានរបស់អង្គការជាច្រើនត្រូវបានប្រើជាមួយគ្នា ហើយនៅពេលសារសំខាន់ៗមានលក្ខណៈស្របតាមខ្លឹមសារ និងឈ្មោះរបស់វា យើងអាចទទួលបានលទ្ធផលល្អច្រើន។

ទីភ្នាក់ងារ USAID មានមោទនភាព ដែលបានជួយក្នុងដំណើរការនេះ ដែលនៅទីបំផុត បាននាំដល់ការរៀបចំយុទ្ធនាការថ្នាក់ជាតិស្តីពី “ការបញ្ឈប់ជំងឺរាគរូស” ដែលនៅពេលនេះត្រូវបានប្រើជាទូទៅ នៅប្រទេសកម្ពុជា និងនៅប្រទេសដទៃទៀត។ ខ្ញុំដឹងថា លោក ចាប ចៀន នឹងបង្ហាញវីដេអូមួយពីកម្មវិធីនេះដល់យើង នៅព្រឹកនេះ។

ពិតមែនហើយ នៅមានការងារច្រើនទៀតដែលត្រូវធ្វើ។ តែយើងជឿថា គ្រឹះមាំមួយត្រូវបានចាក់រួចហើយ ហើយដោយឈរលើគ្រឹះនេះ រដ្ឋាភិបាល វិស័យឯកជន និងដៃគូអភិវឌ្ឍន៍អាចដឹកនាំចលនាមួយ ដើម្បីឈានទៅទទួលបានអនាម័យ និងទឹកពេញលេញ នៅទូទាំងប្រទេស។ គ្មាននរណាម្នាក់ក្នុងចំណោមពួកយើងអាចធ្វើការងារនេះតែឯកឯងបានទេ។

ដូចអ្នកឯទៀតជាច្រើននៅទីនេះ តាងនាមអោយទីភ្នាក់ងារ USAID ខ្ញុំអាចនិយាយបានថា យើងមើលឃើញលទ្ធផល និងតំលៃច្រើនក្នុងការទ្រទ្រង់សកម្មភាព ដែលផ្អែកលើភាពខ្លាំង និងធនធានរបស់ដៃគូច្រើន ជាជាងដៃគូតិច ទាំងមកពីវិស័យសាធារណៈ ទាំងមកពីវិស័យឯកជន។

ទីភ្នាក់ងារ USAID មានមោទនភាព ដែលបានចូលរួមជាផ្នែកមួយនៃវេទិកានេះ។ ខ្ញុំសូមថ្លែងការកោតសរសើរ ដល់បុគ្គលិកនៃកម្មវិធី WaterSHED ដែលបានខិតខំរៀបចំវេទិកានេះឡើង។ ខ្ញុំសូមថ្លែងការកោតសរសើរផងដែរដល់អ្នកដែលបានជួយធ្វើអោយសមិទ្ធិផលទាំងនេះក្លាយជាការពិត និងបន្តធ្វើការដើម្បីកែលំអសុខភាពនៃគ្រួសារខ្មែរ។

ឯកឧត្តម សៅ ជីវ័ន្ត អស់លោក លោកស្រី សូមអរគុណ។

ស្ថានទូតសហរដ្ឋអាមេរិក ភ្នំពេញ, កម្ពុជា

ពត៌មាន និងកម្មវិធីផ្សេងៗ

សុន្ទរកថា ក្នុងឆ្នាំ២០១២

សណ្ឋាគារភ្នំពេញ | ថ្ងៃទី២៧ ខែកញ្ញា ឆ្នាំ២០១២

ទំព័របណ្តាញសង្គម

ទំព័រហ្វេសប៊ុក របស់ស្ថានទូតអាមេរិក

ទំព័រធ្វីតធើ របស់ស្ថានទូតអាមេរិក

ស្ថានទូត​សហរដ្ឋ​អាមេរិក ភ្នំពេញ, កម្ពុជា

ពត៌មាន និង​កម្មវិធី​ផ្សេង​ៗ

សុន្ទរកថា ក្នុងឆ្នាំ២០១២

សណ្ឋាគារ​ភ្នំពេញ | ថ្ងៃ​ទី​២៧ ខែ​កញ្ញា ឆ្នាំ​២០១២

ទំព័រ​បណ្តាញ​សង្គម

ទំព័រ​ហ្វេសប៊ុក របស់​ស្ថានទូត​អាមេរិក

ទំព័រ​ធ្វីតធើ របស់​ស្ថានទូត​អាមេរិក

ស្ថានទូតសហរដ្ឋអាមេរិក ភ្នំពេញ, កម្ពុជា

ពត៌មាន និងកម្មវិធីផ្សេងៗ

សណ្ឋាគារភ្នំពេញ | ថ្ងៃទី២៧ ខែកញ្ញា ឆ្នាំ២០១២

ទំព័របណ្តាញសង្គម

ទំព័រហ្វេសប៊ុក របស់ស្ថានទូតអាមេរិក

ទំព័រធ្វីតធើ របស់ស្ថានទូតអាមេរិក