សុន្ទរកថា ក្នុងឆ្នាំ២០១២
- បកប្រែ:
- English
សុន្ទរកថារបស់លោក Sean McIntosh មន្រ្តីកិច្ចការសាធារណៈ ក្នុងពិធីចុះហត្ថលេខាលើអនុស្សរណៈយោគយល់គ្នាថ្មីមួយក្នុងការបន្តវត្តមានបណ្ណាល័យអាមេរិក នៅខេត្តកំពង់ចាម
ខេត្តកំពង់ចាម | ថ្ងៃទី២៧ ខែកក្កដា ឆ្នាំ២០១២
(ត្រូវបានរៀបចំសំរាប់ថ្លែង)
ខ្ញុំមានសេចក្តីរីករាយដែលមានវត្តមាននៅពេលនេះ ដើម្បីចុះហត្ថលេខាលើអនុស្សារណៈនៃការយោគយល់គ្នាលើការធ្វើជាដៃគូជាមួយគ្នាសំរាប់បណ្ណាល័យស្ថានទូតអាមេរិក សំរាប់រយៈពេល ៥ ឆ្នាំទៅមុខនេះ។ យើងមានកិត្តិយសដោយសាកលវិទ្យាល័យគ្រប់គ្រង និងសេដ្ឋកិច្ចបានធ្វើជាដៃគូជាមួយស្ថានទូតសហរដ្ឋអាមេរិក ដើម្បីបង្កើតអោយមានបណ្ណាល័យនេះឡើង នៅខេត្តកំពង់ចាម។ ខ្ញុំសង្ឃឹមថា បណ្ណាល័យនេះនឹងនៅតែជាប្រភពធនធានព័ត៌មានសំរាប់អោយអ្នករស់នៅក្នុងខេត្តកំពង់ចាម និងអ្នកមកទស្សនាខេត្តនេះ មានការយល់ដឹងច្រើនថែមទៀតស្តីពីសហរដ្ឋអាមេរិក។
បុគ្គលិកនៃសាកលវិទ្យាល័យគ្រប់គ្រង និងសេដ្ឋកិច្ច បណ្ណាល័យស្ថានទូតអាមេរិក និងស្ថានទូតអាមេរិកបានខិតខំធ្វើការក្នុងរយៈពេល ៥ ឆ្នាំកន្លងមកនេះ ដើម្បីអនុវត្តគំរោងដ៏មានសារៈសំខាន់នេះ។ យើងមានមោទនភាពចំពោះអ្វីដែលយើងសំរេចបាន។
ខ្ញុំជឿជាក់ថា បណ្ណាល័យស្ថានទូតអាមេរិកនៅតែជាកន្លែងផ្តល់ការសប្បាយ រាក់ទាក់ និងភាពរស់រវើក ដែលជំរុញអោយមានការពិភាក្សា និងការយល់គ្នាបានកាន់តែច្រើន រវាងជនជាតិខ្មែរ និងជនជាតិអាមេរិក។ ស្ថានទូតអាមេរិកមានការប្តេជ្ញាចិត្តក្នុងការជួយដល់សកម្មភាពនានា នៅក្នុងបណ្ណាល័យនេះ។ យ៉ាងណាក្តី ជោគជ័យនៃបណ្ណាល័យនេះអាស្រ័យលើអ្នកមកប្រើប្រាស់ ហើយបណ្ណាល័យនេះគឺសំរាប់អោយលោកអ្នកធ្វើការពង្រឹងនិងពង្រីកសមត្ថភាពខ្លួនរបស់លោកអ្នក។ សូមអរគុណ។
- Share
- Delicious
- Digg
- StumbleUpon