សុន្ទរកថា ក្នុងឆ្នាំ ២០១២
- បកប្រែ:
- English
សេចក្តីប្រកាសរបស់លោកស្រី Clinton រដ្ឋមន្រ្តីក្រសួងការបរទេសសហរដ្ឋអាមេរិក ស្តីពីគោលការណ៍ណែនាំថ្មីអំពីទិដ្ឋាការ
ចេញថ្ងៃទី២០ ខែមករា ឆ្នាំ២០១២
មួយឆ្នាំកន្លងទៅនេះ ក្រសួងការបរទេសសហរដ្ឋអាមេរិកមានការគិតគូរខ្ពស់ក្នុងការកែលំអដំណើរការទិដ្ឋាការ បន្ថយរយៈពេលរង់ចាំសំភាសន៍ទិដ្ឋាកានៅតាមប្រទេសជាទីផ្សាសំខាន់ៗ ដូចជាប្រទេសចិន និងប្រទេសប្រេស៊ីល ហើយបង្កើនចំនួនទិដ្ឋាការដែលយើងចេញអោយ ដែលមិនប៉ះពាល់សន្តិសុខព្រំដែន។
យើងរីករាយនឹងខិតខំអោយបានច្រើនជាងនេះថែមទៀត តាមគំនិតផ្តួចផ្តើមរបស់លោកប្រធានាធិបតីស្តីពីការធ្វើដំណើរនិងទេសចរណ៍ ដែលបើកផ្លូវអោយមានការនាំចេញ និងការងារថ្មីៗ។ កាលណាមានអ្នកមកទស្សនាប្រទេសអាមេរិកច្រើន ចំណូលសំរាប់ទីក្រុង និងរដ្ឋនានារបស់យើងក៏មានច្រើនកាលនោះ ហើយយើងកំពុងបង្ករលក្ខណៈងាយស្រួលសំរាប់អោយអ្នកទេសចរមកពីប្រទេសដទៃបានឃើញអ្វីដែលសហរដ្ឋអាមេរិកមាន។
ក្នុងពេលប៉ុន្មានឆ្នាំថ្មីៗនេះ មានកំណើនការសុំទិដ្ឋាការយ៉ាងច្រើន ដូច្នេះរដ្ឋបាលបច្ចុប្បន្នកំណត់អាទិភាពក្នុងការបង្កើនសមត្ថភាពរបស់យើង ដោយទន្ទឹមនឹងនោះ រក្សាបទដ្ឋានសន្តិសុខយ៉ាងតឹងរឹងរបស់យើង។ តាមរយៈការបង្កើនម៉ោងសំភាសន៍ បន្ថែមការណាត់ជួបនៅថ្ងៃសៅរ៍ រើសបុគ្គលិកបន្ថែម និងបើកកន្លែងថ្មីៗ យើងបានកាត់បន្ថយរយៈពេលរង់ចាំទិដ្ឋាការ នៅតាមប្រទេសនានា ជុំវិញពិភពលោក។
ជាមួយនឹងការប្រកាសនៅថ្ងៃនេះ មន្រ្តីកុងស៊ុលរបស់យើងនឹងអាចលើកលែងលើលក្ខខ័ណ្ឌទាមទារ ទៅតាមករណីមួយៗ សំរាប់ទេសចរ និងអ្នកធ្វើដំណើរបំពេញមុខជំនួញ ដែលបានចំណាយលុយរាប់ពាន់លានដុល្លា នៅសហរដ្ឋអាមេរិក។ ការធ្វើដូច្នេះនឹងបង្ករលក្ខណៈងាយស្រួលសំរាប់អ្នកទាំងនេះ ក្នុងការវិលត្រឡប់មកវិញ ស្នាក់នៅក្នុងសណ្ឋាគាររបស់យើង បរិភោគក្នុងភោជនីយដ្ឋានរបស់យើង ទិញទំនិញអាមេរិក និងសប្បាយជាមួយនឹងអ្វីដែលប្រទេសអាមេរិកមានសំរាប់ពួកគេ។
ក្រសួងការបរទេសសហរដ្ឋអាមេរិកដើរតួនាទីយ៉ាងសំខាន់ក្នុងការជួយ ទាំងសន្តិសុខសេដ្ឋកិច្ច ទាំងសន្តិសុខព្រំដែនរបស់យើង។ ការធ្វើបច្ចុប្បន្នភាពនេះលើលក្ខខ័ណ្ឌទាមទារផ្នែកទិដ្ឋាការរបស់យើងនឹងលើកទឹកចិត្តអោយមានការវិនិយោគទុនច្រើន នៅសហរដ្ឋអាមេរិក ដែលជាការជួយបង្កើតអោយមានការងារធ្វើ ហើយជំរុញកំលាំងនៃការរីកចំរើនរបស់ប្រទេសអាមេរិក ដោយមិនធ្វើអោយប៉ះពាល់ដល់សុវតិ្ថភាព និងសន្តិសុខនៃប្រជាជនអាមេរិក។
- Share
- Delicious
- Digg
- StumbleUpon