Embassy of the United States

Ambasada Amerikane në Tiranë ofron shërbime rutinë për pasaporta për qytetarët Amerikan, të Hënën, të Mërkurën dhe të Enjten, në orën 13:15, vetëm me anë të takimeve të caktuara paraprakisht sipas sistemit të takimeve në Internet.  Nëse ju keni humbur ose i'u kanë vjedhur pasaportën Amerikane, ju lutemi na kontaktoni në adresën e postës elektronike acstirana@state.gov dhe përfshini numrin e telefonit ku mund t'ju kontaktojmë.

Në shumicën e rasteve, shërbimet e pasaportave kërkojnë 10 deri në 14 ditë pune që të përfundojnë.  Përpara se të caktoni një takim, ju lutemi zgjedhni një nga shëribimet e mëposhtme për pasaportë që kërkoni për të ditur në lidhje me dokumentacionin që kërkohet.  Nëse dëshironi të dini më shumë mbi shërbimet e pasaportave, ju lutemi vizitoni faqen e Internetit të Departamentit Amerikan të Shtetit, Byrosë së Çështjeve Konsullore “Pasaportat” - kjo faqe është në gjuhën Angleze.

• Aplikimi për Herë të Parë për Pasaportë;
  (Shënim: Kjo vlen edhe për rinovimin e pasaportës për fëmijët e mitur nën moshën 16 vjeç, si dhe për ata aplikantë që rinovojnë pasaportën për herë të parë pas moshës 16 vjeç.)
• Rinovimi i Pasaportës;
  (Shënim: Vetëm për të rriturit që kanë një pasaportë të lëshuar pas moshës 16 vjeç.)
• Aplikimi për Pasaportë pas Humbjes apo Vjedhjes;
• Ndryshim/Korigjim Informacioni në Pasaportë;
• Shtim Faqesh në Pasaportë;
• Zëvendësim i Pasaportës së Limituar.

Këshilla për Shërbim më të Shpejtë Gjatë Intervistës Tuaj

• Ju lutemi sillni të gjitha pagesat e nevojshme, fotografitë, formularët, dhe fotokopjet e kërkuara;
• Sillni dokumentat origjinale të identitetit që kërkohen si dhe nga një fotokopje për secilin dokument;
• Ju lutemi plotësoni me kujdes dhe tërësisht formularin tuaj të pasaportës përpara se të vini për intervistë, por mos shkruani poshtë linjave treguese dhe mos e nënshkruani atë;
• Për rinovimet e pasaportave të të miturve, ju lutemi sillni fotografi të rritjes.  Zakonisht ne kërkojmë nga një fotografi çdo 6 deri në 12 muaj nga data kur fëmijës i është lëshuar psaporta e kaluar, deri më tani;
• Sigurohuni që të jeni në përputhje me kërkesat e veçanta për fëmijët nën moshën 16, siç është përshkruar më poshtë:

Kërkesa të Veçanta për Fëmijët nën Moshën 16 Vjeç

• Të dy prindërit duhet të paraqiten së bashku me fëmijën për të dhënë miratimin e tyre (Në pamundësi të paraqitjes së njërit nga prindërit ose nga të dy, ju lutemi lexoni skenarin “Miratimi i Prindërve” të përgatitur për këtë arsye;
• Të dy prindërit duhet të kenë një mjet identifikimi + 1 fotokopje të secilit dokument;
• Në rast se mjeti i identifikimit me fotografi të fëmijës (psh: pasaporta) është lëshuar në një moshë tepër të vogël, zyrtari konsullor mund të kërkojë fotografi të rritjes së tij (psh: fotografi në moshën 6 muajshe, 1 vjeç, 2 vjeç, e kështu me rradhë deri në moshën aktuale).
• Prindi(ërit)/kujdestari(ët) duhet të paraqesin prova të lidhjes familjare me fëmijën:
  
  Dëshmi të lidhjes familjare (një nga mëposhtë):
  
  • Certifikatën Amerikane të lindjes me emrat e të dy prindërve;
  • Certifikatën e huaj të lindjes me emrat e të dy prindërve (*);
  • Raportin Konsullor të Lindjes Jashtë SHBA (CRBA), me emrat e të dy prindërve;
  • Dekretin e birësimit me emrat e të dy prindërve (*);
  • Urdhërin e gjykatës mbi vendosjen e kujdestarisë;
    
    * Të gjitha dokumentet në gjuhë të huaj që paraqiten me një aplikim për pasaportë duhen shoqëruar me një përkthim në Anglisht (formal ose joformal).
    
    Pasaporta Amerikane nuk është e pranueshme si dëshmi e lidhjes familjare.  Dëshmia e një ndryshimi emri ligjor duhet të dorëzohet, në qoftë se emri i një prindi/kujdestari ka ndryshuar që nga dokumentet origjinale të lëshuara (p.sh. fotokopjen e një certifikate martese, etj).