یونائیٹڈ اسٹیٹس ہالوکاسٹ میوزیم کی اُردو ویب سائیٹ میں میوزیم کی انگریزی ویب سائیٹ سے استفادہ کیا گیا ہے اور خاص طور پر اُردو زبان بولنے والوں کیلئے معلومات فراہم کی گئی ہیں۔ اِس کا مرکزی وسیلہ میوزیم کی طرف سے آن لائن موجود ہالوکاسٹ انسائیکلوپیڈیا ہے۔ یہ انسائیکلوپیڈیا ہالوکاسٹ کے بارے میں تاریخی معلومات اور اطلاعات تک رسائی دیتا ہے۔ اِن معلومات میں مضامین، تصاویر، نقشے، دستاویزی فلموں کے حصے، ہالوکاسٹ کی یادگار اشیاء اور عینی گواہوں کی شہادتیں شامل ہیں۔ ہالوکاسٹ کے بارے میں معلومات کے ساتھ ساتھ "نسلی قتل و غارتگری" کی اصطلاح کے بارے میں وقت کے ساتھ ساتھ مفہوم میں ہونے والی پیش رفت بھی شامل ہے۔ اِس کے علاوہ دارفور جیسے مقامات پر حالیہ طور پر جاری بحران اور سام دشمنی اور ہالوکاسٹ کی تردید جیسے عصری مسائل بھی شامل کئے جا رہے ہیں۔ ہم اِس ویب سائیٹ پر موجود وسائل میں اضافہ جاری رکھیں گے۔ لہذا آپ آئیندہ بھی اِس ویب سائیٹ کا مشاہدہ ضرور کیجئیے گا۔.
ہالوکاسٹ نازی حکومت اور اُس کے اتحادیوں کی طرف سے کم و بیش 60 لاکھ یہودیوں کے نہایت ہی منظم، ریاستی ایما پر مبنی اور سرکاری سرپرستی میں ہونے والے ظلم و ستم اور قتلِ عام کا واقعہ ہے۔ لفظ "ہالوکاسٹ"کا ماخذ دراصل یونانی زبان سے ہے جس کے معنی ہیں "آگ کے ذریعے قربانی"۔ جرمنی میں نازی جنوری 1933 میں اقتدار میں آئے۔ وہ اِس بات پر یقین رکھتے تھے کہ جرمن نسلی طور پر سب سے اعلیٰ و ارفعٰ قوم ہے جبکہ یہودی سب سے گھٹیا ہیں اور یوں وہ بیرونی طور پر نام نہاد جرمن نسلی برادری کیلئے خطرہ ہیں۔.
اگست 1936 میں ایڈولف ہٹلر کی آمرانہ نازی حکومت نے موسم گرما کے اولمپک کھیلوں کا انعقاد کرتے ہوئے دو یفتوں تک اپنی نسل پرستانہ اور عسکریت پسندانہ خصلت کو چھپائے رکھا۔ نازی حکومت نے اپنے یہود دشمن ایجنڈے اور توسیع پسندی کے منصوبوں کو مدھم رکھتے ہوئے اولمپک کھیلوں کو استعمال کیا اور بہت سے غیر ملکی شائقین اور صحافیوں کو یہ جتانے کی کوشش کی کہ جرمنی ایک پرامن اور بردبار ملک ہے۔ امریکہ اور مغربی جمہوریتوں نے 1936 کی اولمپک کھیلوں کے مجوزہ بائیکاٹ کو مسترد کر دیا اور یوں اُنہوں نے اُس وقت کے کچھ مبصرین کے دعوے کے مطابق وہ موقع کھو دیا جس کی رو سے ہٹلر کو ظلم و ستم روکنے پر مجبور کیا جا سکتا اور نازی ظلم کے خلاف بین الاقوامی مزاحمت کو تقویت دی جا سکتی۔ اولمپک کھیلوں کے خاتمے کے ساتھ ہی جرمنی کی توسیع پسندانہ پالیسیاں اور یہودیوں کے علاوہ دیگر "ریاست کے دشمنوں" کا عرصہ حیات تنگ کرنے کی کارروائیاں تیز تر ہو گئیں جس کا نتیجہ دوسری عالمی جنگ اور ہالوکاسٹ کی شکل میں سامنے آیا۔.
متعلقہ مقالات:
مزید پڑھیں »
تمام نوادرات »
تمام متحرک نقشے »
تمام دستاویزات »
تمام تاریخی فلموں کے حصے »
تمام نقشے »
تمام شناختی کارڈ »
تمام سندیں »
تمام تصاویر »
تمام موسیقی »
رابرٹ سیٹلوف »
پی ۔ ایچ ۔ ڈی، ایگذیکٹو ڈائریکٹر، واشنگٹن انسٹی ٹیوٹ فار نیئر ایسٹ پالیسی
11 ستمبر 2001 کے کچھ ہی دیر بعد رابرٹ سیٹلوف ہالوکاسٹ دور کے عرب ہیروز کی تلاش میں رباط۔ مراکش چلے گئے۔ اُنہیں سے سنئیے کہ اُنہوں نے یہ تلاش کیوں کی تھی۔
امریکن یونیورسٹی میں اسلامک اسٹڈیز کی ابنِ خلدون چیئر پر فائز سفیر اکبر احمد کے ساتھ ایک گفتگو سے اقتباس
یونائیٹڈ اسٹیٹس ہالوکاسٹ میموریل میوزیم
واشنگٹن ڈی۔ سی
22 جون 2006