|
ٹوینٹی 20میچ میں پاکستان کی آسٹریلیا کے خلاف کامیابی
|
May 7, 2009
|
|
| کامران مکمل اپنی نصف سنچری کی خوشی منا رہے ہیں جب کہ آسٹریلوی باؤلر ہلفن ہاؤس سر پکڑے کھڑے ہیں
| دبئی میں کھیلے گئے سیریز کے واحد ٹوینٹی 20میچ میں پاکستان نے دل چسپ مقابلے کے بعد آسٹریلیا کو سات وکٹ سے ہرا دیا۔
جمعرات کو پاکستان کے کپتان یونس خان ناسازیٴ طبعیت کی وجہ سے میچ میں حصہ نہیں لے سکے جِس کی وجہ سے مصباح الحق نے قیادت کی۔
پاکستان نے ٹاس جیت کر فیلڈنگ کا فیصلہ کیا اور آسٹریلیا کی پوری ٹیم عمر گل اور شاہد آفریدی کی عمدہ باؤلنگ کی وجہ سے 19.5اووز میں 108رنز بنا کر آؤٹ ہوگئی۔
پاکستان کی طرف سے عمر گل نے شاندار باؤلنگ کا مظاہرہ کرتے ہوئے صرف آٹھ رنز دے کر چار جب کہ شاہد آفریدی نے 14رن دے کر تین،اور شعیب ملک نے 14رنز دے کر دو کھلاڑیوں کو آؤٹ کیا۔ اب عمر گل ٹونٹی 20 میں سب سے زیادہ وکٹیں لینے والے باؤلر بن گئے ہیں۔
جواب میں پاکستان نے مطلوبہ ہدف سترہویں اوور میں تین وکٹ کے نقصان پر پورا کرکے میچ جیت لیا۔کامران اکمل نے شاندار چھکوں کی مدد سے 59، مصباح الحق نے 24اور سلمان بٹ نے 16رنز سکور کیے۔ آخری ون ڈے کی طرح اس میچ میں بھی کامران اکمل اور مصباح الحق کی شان دار شراکت نے پاکستان کو کامیابی سے ہم کنار کروایا۔
|
|
|