|
اقتصادی منصوبہ روزگار کے لاکھوں نئے مواقع پیدا کرے گا: اوباما
|
January 10, 2009
|
|
امریکہ کے نو منتخب صدر بارک اوباما نے کہا ہے کہ اُن کا اقتصادی بحالی کا منصوبہ 30سے لے کر 40لاکھ تک ملازمتوں کو بچائے گا یا روزگار کے نئے مواقع پیدا کرے گا۔
مسٹر اوباما نے ریڈیو پر اپنی ہفتہ وار تقریر میں کہا ہے کہ اُن میں 90 فیصد نئى اسامیاں نجی شعبے میں پیدا ہوگی۔ باقی سرکاری شعبے میں وہ اسامیاں ہوں گی جنہیں حکومت بجٹ میں کٹوتیوں سے بچائے گی جیسے اساتذہ، پولیس اور انتہائى اہم خدمات فراہم کرنے والے دوسرے لوگ۔
نو منتخب صدر نے کہا ہے کہ یہ اعدادوشمار اُن کی اقتصادی ٹیم کے تجزیہ نگاروں نے مرتب کیے ہیں۔
تجزیہ نگاروں کی اس رپورٹ کے مطابق مسٹر اوباما کا منصوبہ پانچ لاکھ سے زیادہ لوگوں کو صاف سُتھری توانائى کے شعبے میں کام فراہم کرے گا جب کہ مزید چار لاکھ لوگ ملک کی سڑکوں، پُلوں اور سکولوں کی مرمّت کاموں میں مصروف ہوجائیں گے۔
محکمہٴ محنت نے جمعے کے روز کہا تھا کہ امریکہ میں صرف دسمبر کے مہینے میں پانچ لاکھ لوگ اپنے روز گار سے محروم ہوئے ہیں۔ مسٹر اوباما کا کہنا ہے کہ یہ تعداد اس بات کی بہت واضح یقین دہانی ہے کہ حکومت کو فوری طور پر قدم اُٹھانے کی ضرورت ہے۔
|
|
|