ABŞ-ın növbəti prezidenti Barak Obama hakimiyyətdə olduğu müddət ərzində
Amerikanın xarici siyasətində hər iki
partiyanın mövqeyi rəhbər götürüləcək. Obama yenicə Küveyt, Pakistan,
Əfqanıstan və İraqdan qayıdan respublikaçı senator Lindsi Graham və
vitse-prezident seçilən Co Baydenlə görüş keçirib. ABŞ-ın növbəti prezidenti Əl-Qaidə və onun lideri Üsama Bin Ladeni ABŞ-ın təhlükəsizliyinə bir nömrəli hədə
adlandırıb. Co Bayden Əfqanıstana
əlavə resurslar ayrılmasına çağıraraq, vəziyyətin
hazırkından lap pis ola biləcəyi barədə xəbərdarlıq verib. Xarici siyasətə dair
planlarını açıqlamasa da, cənab Obama ölkənin bir prezident tərəfindən idarə
edildiyini bildirib. O, gələn həftə inaqurasiyadan sonra planlarına dair
açıqlama verəcəyinə vəd verib. Daha sonra Obama ilə Bayden nəzakət əlaməti
olaraq, baş hakim Con Robertsin dəvəti ilə ölkənin ali məhkəməsində olub. Növbəti prezidentlə növbəti vitse-prezident baş hakimin təsdiqi zamanı
Senatda onun əleyhinə səs vermişdi.