Раководителот на американската Централна банка вели дека американската економија ќе го достигне дното и подоцна годинава ќе почне повторно да расте.

Претседавачот на американските Федерални резерви, Бен Бернанки, исто така на  конгресна комисија во вторник кажа дека е  веројатно опоравувањето да се одвива бавно, и  дека невработеноста ќе продолжи да расте за некое време.

Бернанки рече дека потрошувачките кредити ќе  останат слабо достапни и бизнис инвестициите се мали, така што компаниите ќе бидат внимателни при вработување нови луѓе.

Бернанки рече дека доказ за тоа дека економијата престанува да се намалува е поголемата потрошувачка од страна на конзументите со што расте  потрошувачката доверба, како и некои подобрувања во секторот за домување.