Əli Həsənov: 'Xarici radioların orta dalğalarda yayımı mümkündür'
15/01/2009
Əli Həsənov
Azərbaycan ABŞ-ın Yayım Şurasından və BBC-dən təkliflər gözləyir. “Amerikanın
səsi”nə açıqlama verən Azərbaycan
Prezidentinin İcra Aparatının ictimai-siyasi şöbəsinin müdiri Əli Həsənov
bildirib ki, Amerikanın və Böyük Britaniyanın müxtəlif qurumları və dövlət
rəhbərləri xarici radiolarla bağlı Azərbaycan prezidentinə müraciətlər edib.
Cənab Həsənov Azərbaycan hökumətinin bu qurumlarla dialoqa hazır olduğunu dilə
gətirib. Onun sözlərinə görə, Azərbaycan yerli şirkətlər üçün nəzərdə tutulmuş
FM tezliyi istisna olmaqla, bu radioların yayımını digər bütün vasitələrlə
davam etdirməyə hazırdır. Digər
vasitələr dedikdə, Əli Həsənov beynəlxalq peyk yayımı imkanlarını, kabel teleradio
sistemini, orta və qısa dalğaları
nəzərdə tutduğunu bildirib. “Eyni zamanda, ABŞ və Böyük Britaniya
hökumətləri ilə hökumətlərarası sazişə müvafiq olaraq qarşılıqlı yayım praktikası da
həyata keçirilə bilər”- deyə o, qeyd edib.
Bu bəndlə razıyam: Bütün şərhlər sayta yerləşdirilməmişdən əvvəl redaktor tərəfindən nəzərdən keçiriləcək Göndərilən bəzi şərhlər saytda yerləşdirilməyə bilər Amerikanın Səsi sizin şərhinizdən dünya miqyasında özünün bütün media vasitələrində istifadə etmək hüququna malikdir. Terms & Conditions.
E-mail
Çap et
