|
ہیرو پائلٹ کو صدر بش کا فون
|
January 16, 2009
|
|
![Plane crash, New York Plane crash, New York](https://webarchive.library.unt.edu/eot2008/20090117155652im_/http://www.voanews.com/urdu/images/Plane-crash.jpg) | طیارہ کریش کے بعد دریا میں تیر رہا ہے
| صدر جارج بُش نے فضائى کمپنی کے اُس پائلٹ کی تعریف کی ہے جس نے جمعرات کے روز نیویارک شہر میں مسافروں سے بھرے طیارے کو حفاظت کے ساتھ دریائے ہڈسن میں اتارا تھا۔
وائٹ ہاؤس نے کہا ہے کہ صدر بُش نے جمعے کے روز چیسلے سُولن برگر کو ٹیلی فون کیا اور اُس طیارے میں سوار 155لوگوں کی جانیں بچانے پر اُن کی تعریف کی۔
نیویارک سٹی کے مئیر مائیکل بلومبرگ نے سُلن برگر کے کارنامے کے بارے میں کہا ہے کہ اس نے پورے شہر کے لوگوں اور دنیا بھر میں لاکھوں لوگوں کے دلوں برمایا ہے۔
سُولن برگر کو دریائے ہڈسن میں طیارے کو حفاظت سے اُتار لینے پر ہیرو کہا جارہا ہے۔ اس سے پہلے طیارے کے دونوں انجنوں نے کام کرنا بند کردیا تھا۔پائلٹ نے نیو یارک میں لاگارڈیا ائرپورٹ سے اُڑان بھرنے کے تھو ڑی ہی دیر بعد طیارے سے پرندوں کے ٹکرانے کی اطلاع دی تھی ۔ تفتیش کار حادثے کے اسباب کا ٹھیک ٹھیک پتا چلانے کے لیے اب یو ایس ائرویز کے طیارے کو ہڈسن سے باہر نکال رہے ہیں۔
|
|
|