Zoo siab txais tos tuaj ntawm Wisconsin Department of Agriculture, Trade thiab Consumer Protection.
![Farm work](https://webarchive.library.unt.edu/eot2008/20090116104445im_/http://www.datcp.state.wi.us/images/hmong_images/farmwork2.jpg) |
Kev Ua Laj Hab Cog Qoobloo
Kev cog qoobloo, yug tsaj yug ntseg, tsev los chaw cog ntoo, teb cog ntoo rua Christmas, chaw yug tej ntaab/muv kws ua zib – peb muaj kev paab hab tswm txuj cai lug kaav tej khoom nuav nyob rua huv Wisconsin. Txawm yog tej tsaj txhu nyaj txag ntshav, chaw muag khoom tshab hab tiv thaiv hab tu thaaj chaw kws peb nyob, tej nuav yog peb teg num. |
|
|
![Cow](https://webarchive.library.unt.edu/eot2008/20090116104445im_/http://www.datcp.state.wi.us/images/hmong_images/cowsdairy1.jpg) |
Tej Tsaj Kev Noj Qaab Nyob Zoo Hab Kaab Mob
Peb muaj yaam zoo qha txug kev tiv thaiv kaabmob hab saib kuas cov tsaj yug tuanoj hab cov tsaj yug zuv tsev kuas tsi muaj mob. Tsi taag le ntawd, peb cob qha cov tuabneeg ua num paab kuaj tsaj (humane officers), tso cai hab saib cov tsaj huv Wisconsin hab cov tsaj kws coj tawm hab coj lug huv lub xeev hab ua ntawv tso cai rua cov tsev yug tsaj. |
|
|
![Insects](https://webarchive.library.unt.edu/eot2008/20090116104445im_/http://www.datcp.state.wi.us/images/hmong_images/insects2.jpg) |
Kaab Hab Tshuaj Tua Kaab
Peb ua num tiv thaiv hab txu tej kaab kws txuv tej qoob loo, haavzoov hab huv nroog. Peb muaj ntawv tso cai rua cov tuabneeg kws txuas tshuaj tua kaab hab saib kuas puab txawj siv cov tshuaj hab khaws tej tshuaj tua kaab lawv le tug ua cov tshuaj ntawd dlaim ntawv qha. |
|
|
![Trade](https://webarchive.library.unt.edu/eot2008/20090116104445im_/http://www.datcp.state.wi.us/images/hmong_images/money1.jpg) |
Kev Cog Lug Ua Luam
Ntxiv rua kev tiv thaiv cov tuabneeg kws yuav khoom, peb tseem paab cov tub laagluam kuas puab xob raug teeb meem hab paab kuas cov tuabneeg ua teb kuas puab tau txais nyaj lawvle tej khoom kws puab muag. Tsi taag le, kev paab tseem muaj pub rua cov tuabneeg kws xauj lub tsev lug rau puab cov khoom.
|
|
|
![Marketing](https://webarchive.library.unt.edu/eot2008/20090116104445im_/http://www.datcp.state.wi.us/images/hmong_images/wiprods1.jpg) |
Kev Muag Khoom Lug Ntawm Lajteb
Wisconsin cov laagluam lug ntawm lajteb tau nyaj tshaaj le $51.5 billion hab muaj num rua 420,000 tug tuabneeg ua. Muaj le ib tug ntawm yim tug pejxeem nyob huv Wisconsin ua teb, los ua num ntsig txug ua teb. Tsim tsaa kuas kev laagluam lug ntawm lajteb huv Wisconsin zoo ntxiv yog ib qhov tseem ceeb heev. |
|
|
![Consumer Protection](https://webarchive.library.unt.edu/eot2008/20090116104445im_/http://www.datcp.state.wi.us/images/hmong_images/people1.jpg) |
Kev Paab Tuabneeg Kws Yuav Khoom
Muaj ntau zag cov tuabneeg yuav khoom ntsib teeb meem nrug tej laagluam kws tsi ncaaj nceeg, tej tuabneeg kws hu xuvtooj muag khoom tsi raug cai, tej khoom kws ua rua tuabneeg raug mob, tej tshuab kws tsi qha tseeb hab tej khoom noj kws ntshai tsi zoo noj. Kuas koj paub tas huv Wisconsin, peb paab cov tuabneeg yuav khoom hab ntshav txuci/ntaub ntawv paab koj. Ntaub Ntawv Qha Txug Kevcai
|
|
|
![Environmental Protection](https://webarchive.library.unt.edu/eot2008/20090116104445im_/http://www.datcp.state.wi.us/images/hmong_images/water1.jpg) |
Kev Tiv Thaiv Chaws Nyob
Kev tiv thaiv laj aav teb chaws huv Wisconsin yog ib qhov tseem ceeb heev. Peb tiv thaiv peb thaaj aav hab dlej tseg ca kuas tau siv ntev moog ntxiv hab peb ua num nrug cov tswv aav hab paab saib tej hom tsaj kws yuav pluj moog. Peb saib txug tej tshuaj kua kaab hab lwm yaam tshuaj nyaum kuas siv yog khaws hab povtseg kuas yog lawv le txuj cai. |
|
|
![Food Saftey](https://webarchive.library.unt.edu/eot2008/20090116104445im_/http://www.datcp.state.wi.us/images/hmong_images/meat2.jpg) |
Kev Ua Khoom Noj Hab Khoom Noj Kws Tsi Muaj Kis Mob
Tsi has tas koj yuav khoom noj hab ua noj huv tsev, dlha lub tajlaj muag khoom noj, ua khoom noj muag huv tsev los chaws luj, los lub tsev tsau khoom noj, peb muaj txuj kev qha tas yuav ua le caag txha raug kev cai huv Wisconsin. Yog koj xaav paub txug kev ua khoom noj huv laab noj mov, koj huv rua Department of Health and Family Services. |