OKB përgënjeshtron Izraelin për goditjen e kompleksit të saj në Gaza
Zëri i Amerikës 15-01-2009
Zyrtarët e Kombeve të Bashkuara e kundërshtuan pohimin e Izraelit, sipas së cilit forcat izraelite goditën me artileri kompleksin e OKB-së në qytetin e Gazës në përgjigje të zjarrit të hapur nga militantët në kompleks.
Tre persona u plagosën nga goditja izraelite.
Qindra vetë kanë kërkuar strehim në kompleksine OKB-së për t’u mbrojtur nga ofensiva izraelite, që sot avancoi në thellësi të qytetit.
Artileria izraelite goditi gjithashtu një spital dhe një ndërtesë ku janë vendosur përfaqësues të medias në qytetin e Gazës, përfshirë agjencinë Reuters.
Militantët e Hamasit hodhën të paktën 15 raketa në Izraelin Jugor.
Si Izraeli, ashtu edhe militantët palestinezë e kanë sfiduar thirrjen e OKB-së për armëpushim. Një zyrtar izraelit ndodhet në Kairo për bisedime mbi një plan armëpushimi të negociuar nga Egjipti.
Sipas njoftimeve, luftimet kanë shkaktuar vdekjen e mbi një mijë Palestinezëve, përfshirë 300 fëmijë. 13 izraelitë janë vrarë. (ze)