دصوبه سرحد ناقراره سيمه سوات کې جنگيالو دامنيتي ځواکونو دامنيتي پوستې مخې ته مورچې جوړې کړي دي.

دبلوچستان ايالت د سرښار دکوئټې په سرياب  روډ پر موټر سائيکل سپرو کسانو دپوليسانو پر ګاډي ډزې  وکړې  چې  له امله يې دډي ايس پي حسن علي په ګډون ٤ پوليسان وژل شوي اؤ ٢ نور ژوبل شوي دي

دپاکستان اټومي سائنس پوهه ډاکټر عبدالقدير خان وايي دالقاعده دکوم غړي سره دهغه تعلق جوړول دپاکستان داټومي پروگرام پر ضد  گام دى.

دپاکستان صدراعظم يوسف رضا گيلاني وايي هندي حکومت دسخت اولسي فشار له امله دپاکستان په ضد بيانونه ورکوي خو هغه په دغه رقم بيانونو خواه نۀ بدوي.

دبرټانيې دبهرنيو چارو وزير ډيوډ ملي بينډ  وايي هغه باور لري چې دممبۍ ترهه گريزو بريدونو کې دپاکستان رياست لاس نۀ لري.

د فلسطین په غزه سیمه د اسرایلي بریدونولړۍ دوام لري او اسرایل دغه بریدونه د گنړی ابادئ ښارونو ته غزولي دي.

دپاکستان قبائيلي سيمې شمالي وزيرستان په ميرانشاه سيمه کې جنگيالو امريکا دپاره دمخبرۍ په تور دوه وروڼه وژلي دي.

دصوبه سرحد جنوبي سيمې هنگو کې د٣ؤ ورځو څخه روانو فرقه ييزو نښتو کې دوژل شوؤ کسانو شميره ٣٨ؤ ته رسيدلې اؤ٤٥ نور ټپيان دي.

دافغانستان دپولې سره نزدې دپاکستان قبائيلي سيمه  مومند ايجنسۍ کې دصافي تحصيل  دمامدگټ په مقام تيره شپه دپاکستان اؤافغانستان دگډې پولې څخه پاکستان ته د را اوړيدلو هڅه  وکړه اؤ دپوځيانو په کيمپ اؤ پوسته يې بريد وکړوچې لۀ امله يې ٦دمليشې عسکر ووژل شول