به‌ڕێوه‌به‌رایه‌تی بوش ده‌ڵێت کارده‌کات بۆ گه‌ڕانه‌وه‌ی ئاگربه‌سـتێـکی به‌رده‌وام نێوان ئیسرائیل و کۆمه‌ڵی میلیتانی فه‌له‌سـتینی حه‌ماس.
 |
| گۆردن جاندرۆی (ئه‌رشیفی وێنه) |
دووشه‌ممه ده‌مڕاسـتی کۆشـکی سـپی گۆردن جاندرۆی له کراوفۆردی ته‌کساس، نزیک ماڵی تایبه‌تی سه‌رۆک بوش به په‌یامنێرانی گوت ئه‌مریکا تێده‌گات ئیسرائیل خه‌ریکه به‌رگری له‌خۆی ده‌کات له دژی هێرشیبه‌ده‌وامی موشه‌ک و هاوه‌نی میلیتانی حه‌ماس له غه‌ززه. ئه‌و حه‌ماسی لۆمه‌کرد بۆ تێـکچوونی ئاگربه‌سـته‌که.
جاندرۆی گوتیشی ئه‌مریکا داو له ئیسرائیل ده‌کات هه‌وڵ بدات خه‌ڵـکی مه‌ده‌نی له غه‌ززه نه‌کوژرێن، وه گوتی سه‌رۆک بوش و شـای سه‌عودی و هه‌روه‌ها شـای ئوردن گفتوگۆیان هه‌بووه سه‌باره‌ت به هه‌وڵه‌کان بۆ ڕاگرتنی توندوتیژی. له واشـنتن ده‌مڕاسـتێـکی وه‌زاره‌تی ده‌ره‌وه‌ی ئه‌مریکا گوتی وه‌زیری ده‌ره‌وه‌ی ئه‌مریکا کۆنده‌لیزا ڕایس کار ده‌کات بۆ گه‌ڕانه‌وی ئاگربه‌سته‌که و گفتوگۆی له‌گه‌ڵ کاربه‌ده‌سـتانی ئیسرائیل و میسر و سه‌عودی ئه‌نجامداوه.
E-mail
چاپ بكه
