![Imran Khan in VOA](https://webarchive.library.unt.edu/eot2008/20090118150934im_/http://www.voanews.com/urdu/images/Imran-KhanT_23Jan08.jpg) |
عمران خان وائس آف امریکہ میں |
عمران خان مغربی دنیا میں اب بھی سربراہ تحریک انصاف کی بجائے عالمی شہرت یافتہ کرکٹر کی حیثیت رکھتے ہیں۔ ان کے وائس آف امریکہ کے دورے کی ذمے داری ویسے تو ہمارے ساتھی مرتضیٰ سولنگی کی تھی، لیکن ان کے ساتھ انٹرویوز کا بندوبست میرے حصے میں آیا۔
عمران خان نے انٹرویو میں جو گفتگو کی وہ تمام سیاسی اور ان کی جماعت کا نقطہٴ نظر کے حوالے سے تھی، لیکن گفتگو سننے والوں کی زیادہ تعداد صرف ان کی ایک جھلک دیکھنا چاہتی تھی۔
خواتین کی تعداد سے لگتا تھا کہ مغربی دنیا پاکستان کی سیاسی صورتحال کے بارے میں فکر مند ہو نہ ہو، عمران خان کی شخصیت کے بارے میں ضرور ہے۔ یہ تو آپ جانتے ہوں گے کہ وائس آف امریکہ دنیا بھر کی مختلف زبانوں میں اپنے پروگرام نشر کرتا ہے سو عمران خان سے انٹرویو کے لیے چند افراد منتخب کیے گئے تھے، لیکن بعد میں لوگوں میں بے چینی بڑھتی گئی اور ان سے گفتگو کرنے والوں کی تعداد بھی۔
خیر، انٹرویو میں جو باتیں ہوئیں، وہ پیشِ خدمت ہیں۔