Uhulumende
ubikwa esefake amabutho lamapholisa esimeni sokuzilungiselela layini
okungaqhamuka endaweni ezitshiyeneyo zelizwe. Edolobheni leHarare kubikwa
amasotsha enyakazela. Isikhulumi samapholisa, uMnu Wayne Bvudzijena uthi lokhu
kubangelwe yimbiko ethi kulamalunga ebandla lemdc afuna ukugengqula uhulumende.
Kodwa isikhulumi sebandla leMDC, uMnu Nelson Chamisa utshele intathelizindaba
ukuthi uhulumende ufuna nje ukwethusela uzulu. Lokhu kwenzakala ngesikhathi
umongameli welinye lamacele emdc, umnu. Morgan Tsvangirai ekhangelelwe
ukuphindela ekhaya ngemva kwesikhathi esemazweni angomakhelwane.
Ingcwethi
ecubungula ezombusazwe, uMnu. Effie Dlela Ncube utshele uChris Gande weStudio 7
ukuthi lanxa amapholisa emisa izihambi akukabi lembiko yokuhlukuluzwa.
Ezinye
izindaba zeStudio7 …