Uhulumende ubikwa esithi wesabela ukuthi umkhuhlane we cholera, wona osubulele abantu abedlula inkulungwane elamatshumi ayisithupha, ungamemetheka elizweni ngenxa yokuna kwezulu okusaqhubeka elizweni.
Ekhuluma embuthanweni wokufundisa abantu ngokuzivikela kulumkhuhlane e Harare lamuhla, umphathintambo ka hululmende obona ngezempilakahle lokulondolozwa kwabantwana, uDokotela David Parirenyatwa ubikwa ethe izulu lingana njalo kube labozamcolo abanjengalabo ababakhona kumnyaka odluleyo, umkhuhlane lo ungamemetheka okwesabekayo loba kusenziwa yonke imizamo yokuwulwisa.
Lokhu kwenzakala izibhedlela zikahulumende zonke sokuthiwa zindawo zokwelaphela lo umkhuhlane.
umsekeli kamgcinisihlalo wenhlanganiso ye combined harare residents association, i CHRA, uNkosikazi Beatrice Ngwenya, utshele uSithandekile Mhlanga we studio 7 ukuthi inhlanganiso yakhe isaqoqa amagama abantu ababulawa labahlaselwa yi cholera ukuzwe ise inkampani yezinwa emthethwandaba ngoba yiyo eyabangela lokhu ngokungaqhubi inhlelo zamanzi kuhle kulelidolobho.
Ezinye indaba ze studio 7…