| ABŞ Mətbuatı: Azərbaycanda seçkilər |
14/10/2008
|
|
Azərbaycandakı prezident
seçkiləri Qərb mətbuatında da işıqlandırılır.
International Herald Tribune qəzeti aparıcı müxalifət partiyalarının
seçkiləri baykot etdiyini yazır. Müxalifət
şübhə etmir ki, növbəti səsvermə prezident İlham Əliyevi hakimiyyətdə
saxlayacaq. Bu səbəbdən də müxalifət
ldierləri vıətəndaşları seçkilərə qatılmamağa çağırıblar. Onların imzaladığı bəyanatda səsvermə
demokratiyanın imitasiyası kimi dəyərləndirilir. İlham Əliyevin seçkilərdə iştirak edən 6 rəqibini asanlıqla
məğlub edəcəyi gözlənilir. Beynəxalq
müşahidəçilər indiyədək Azərbaycanda keçirilən seçkilərin beynəlxalq
standardlara cavab vermədiyini bildirir.
Bununla belə ABŞ və başqa Qərb dövlətləri Azərbaycanla sıx münasibətlər
saxlayır. Rəsmi Vaşinqton Əliyev
hökumətini azad və ədalətli seçkilər keçirməyə çağırıb.
Daily Times qəzeti "neftlə zəngin,
korrupsiya içində üzən" Azərbaycanda seçkilərin demokratikliyini şübhə altına
alır. “Xəzəryanı dövlətin əvvəlki
prezidenti Heydər Əliyevin 46 yaşlı oğlunun ikinci dönəm hakimiyyətə seçiləcəyi
indidən bəllidir,” deyə yazıda bildirilir.
Müəmmalı qalan yeganə faktor İlham Əliyevin ABŞ-la Rusiya arasında
sərtləşən münasibətlər fonunda dövlətin sükanını necə idarə edəcəyidir. Hazırkı prezidentdən əlavə 6 hökumətə loyal
namizədin qatıldığı seçkiləri təhlilçilər 1991-ci ildən bəri ən maraqsız
səsvermə kimi qiymətləndirir. Müstəqil
politoloq Rasim Musabəyov Daily Tayms-a bildirib ki, rəsmilərin hazırkı narahatlığı
başlıca olaraq ondan qaynaqlanır ki, Əliyevə verilən dəstək ifrat dərəcədə
yüksək deyil. İlham Əliyevin rəqibləri
onu birbaşa tənqid etməkdən yayınaraq, əvəzində onun ətrafındakıları
günahlandırırlar. Namizədlərin
sözlərinə görə ətrafındakılar İlham Əliyevə öz platformasını tam icra etməyə
imkan vermir.
Dünya Bankı bu günlərdə
Azərbaycanda baş verən iqtisadi artımı alqışlayılb. Ötən il 26 faiz, 2006-cı ildə 34 faizlik artımlar Azərbaycanın
iqtisadi uğurları ciddi təəssürat buraxır.
Lakin bu müvəffəqiyyətli mənzərəni korlayan Azərbaycandakı korrupsiyanın
səviyyəsidir. Transparency
International təşkilatının keçirdiyi sorğuların nəticəsi Azərbaycanı korrupsiya üzrə 180 ölkə
arasında 158-ci yerə qoyur.
Petroleum World məcmuəsində Azərbaycan neftçisinin
güzərarından bəhs edilir. Qızmar günəş
altında çirkli paltar geymiş neftçilərin əhval ruhiyyəsi müəyən qəzəb və
əlacsızlıq hissi ilə xarakterizə olunur.
Neft işçiləri ölkəyə axan neft pulundan kifayət qədər
bəhrələnmədiklərinə görə şikayət edirlər.
Orta əmək haqqı 500 manat olan neftçilərin seçkilərə münasibəti
birmənalı deyil. Bəziləri sabitliyi və
sakitliyi əsas götürərək İlham Əliyevə, başqaları isə seçkilərdə iştirak
etməyəcəklərini deyirlər.
Bu məqaləni göndərin
Çap variantı
|
