ڈاکٹر عبدالقدیر خان

امریکہ نے ڈاکٹر عبدالقدیر خان سے تعلق رکھنے والے ایک درجن سے زیادہ افراد اور کمپنیوں کے خلاف پابندیاں عائد کردی ہیں۔

امریکی محکمہٴ خارجہ نے پیر کے روز عبالقدیر خان کے جوہری ٹیکنالوجی پھیلانے والے نیٹ ورک میں مبیّنہ طور پر ملوّث ہونے کی بنا پر 13افراد اور تین نجی کمپنیوں کے خلاف پابندیوں کا اعلان کیا ہے۔

ڈاکٹر عبدالقدیر خان نے ایران، لیبیا اور شمالی کوریا کو جوہری راز فراہم کرنے کا اعتراف کرلیا تھا۔ جس کے بعد وہ 2004ءسے اسلام آباد میں اپنے گھر میں نظر بند ہیں۔

محکمہٴ خارجہ کے ایک اعلامیے میں کہا گیا ہے کہ امریکہ کا خیال ہے کہ ان پابندیوں سے مستقبل میں  جوہری اسلحہ کے پھیلاؤ سے متعلق سرگرمیوں کو روکنے میں مدد ملے اور یہ اس قسم کے عناصر کے لیے انتباہ ہوگا۔

پاکستان نے 1998ءمیں 28مئى کو اپنے دیرینہ حریف بھارت کے جوہری دھماکوں کے جواب میں ایٹمی تجربہ کیا تھا۔