دنیا بھر کے ممالک اپنی مالی منڈیوں کو کھلا رکھیں: صدر بش
October 25, 2008
امریکی صدر بش دنیا بھر کے ممالک سے اپیل کی ہے کہ وہ عالمی اقتصادی بحالی کے سلسلے میں صبر و تحمال کا مظاہرہ کریں اور اپنی مالی منڈیوں کو کھلے رکھنے کی پالیسی پر عمل پیرا رہیں۔
آج ہفتے کے روز اپنے ریڈیو خطاب میں انہوں نے کہا کہ ایسے وقت میں جب علمی معیشت غیر یقینی صورت حال کا شکار ہے، یہ ضروری ہے کہ مالی منڈیوں کو کھلا رکھا جائے۔
صدر بش نے 15 نومبر کو واشنگٹن میں عالمی اقتصادی سربراہی کانفرنس کے لیے دنیا کے لیڈروں کو مدعو کیا ہے۔ انہوں نے اس سربراہی کانفرنس میں شریک ہونے والے لیڈروں سے کہا ہے کہ وہ خوشحالی اور امید کے آزمودہ طریقے پر قائم رہنے کے عزم کا اعادہ کریں۔