![OPEC headquarters](https://webarchive.library.unt.edu/eot2008/20090115211448im_/http://www.voanews.com/urdu/images/rtv_opec_14nov01_engl-generic_0.jpg) |
اوپیک کا صدر مقام |
خام تیل کی قیمت تاریخ میں پہلی بار 117 ڈالر سے تجاوز کر کے 117 ڈالر اور 60 سینٹ تک پہنچ گئی۔
اس فوری اضافے کی وجہ یہ بیان کی جاتی ہے کہ نائجیریا میں عسکریت پسندوں نے ایک پائپ لائن پر حملہ کر کے اسے نقصان پہنچایا جب کہ مشرقِ وسطیٰ میں بحری قزاقوں نے ایک جاپانی تیل ٹینکر پر حملہ کیا۔
عالمی ادارہ برائے توانائی کے سربراہ نوبیو تناکا نے کہا کہ تیل کی قیمت بے حد بڑھ گئی ہے اور اس کا خاص طور ترقی پذیر ملکوں پر برا اثر پڑے گا۔
تناکا روم میں نامہ نگاروں سے بات چیت کر رہے تھے۔
ادھر ایک خبر میں کہا گیا ہے کہ سعودی عرب کے تیل کے وزیر نے کہا ہے کہ وہ عالمی تیل منڈی کو تیل کی ترسیل جاری رکھیں گے۔ اوپیک ملکوں نے کہا ہے کہ تیل کی اونچی قیمتوں کی وجہ سٹاک مارکیٹ اور دنیا کے مختلف خطوں میں سیاسی تناؤ ہے۔