![U.S. President George W. Bush addressing the United Nations General Assembley in New York, Tuesday, 25 Sept 2007](https://webarchive.library.unt.edu/eot2008/20090115211620im_/http://www.voanews.com/urdu/images/Bush_UN_25sept071.jpg) |
صدر بش |
صدر بش نے امریکہ سمیت ، دنیا بھر میں سب سے زیادہ آلودگی پھیلانے والے ملکوں سےگرین ہاؤس گیسوں کے اخراج میں کمی کے لئے مل کر کام کرنے کی اپیل کی ہے ۔ لیکن مسٹر بش چاہتے ہیں کہ ہر ملک ایسی کمی کے لئے خود اپنے اہداف مقرر کرے ۔
مسٹر بش نے یہ بات جمعے کے روز امریکی محکمہ خارجہ کے زیر اہتمام صنعتی ملکوں کی ایک کانفرنس کے آخری روز کہی۔ انہوں نے کہا کہ ان ملکوں پر گرین ہاؤس گیسوں میں کمی کی مشترکہ زمے داری عائد ہوتی ہے ۔ انہوں نے کہا ،’’ گیسوں کے کم اخراج کی نئی ٹکنالوجیز تیار کر کے ہم توانائی کی بڑھتی ہوئی مانگ کو بھی پورا کر سکتے ہیں اور فضائی آلودگی اور گرین ہاؤس گیس کے اخراج میں بھی کمی کر سکتے ہیں ۔نتیجتاً ہمارے ملکوں کو ماضی کی بحثوں کو پیچھے چھوڑنے اور آگے جانے پر کسی اتفاق رائے تک پہنچنے کا کوئی موقع مل جائے گا‘‘۔
صدر بش نے کہا ہے کہ اگلے موسم گرما میں صنعتی ملک اپنے مقاصد کو حتمی شکل دینے کے لئے اجلاس کریں گے ۔ لیکن انہوں نے ایک بار پھر نئی ٹکنالوجیز کی اپنی حمایت کو دہرایا اور کہا کہ ہر ملک کو گیسوں کے اخراج کے اپنے اہداف مقرر کرنے ہوں گے ۔
مسٹر بش نے اس ہفتے اقوام متحدہ کی جنرل اسمبلی سے خطاب کیا لیکن ماحولیاتی تبدیلیوں پر نیو یارک میں ہونے والی اقوام متحدہ کی کانفرنس میں شرکت نہیں کی ۔