ABŞ-ın növbəti vitse-prezidenti Bağdadda İraq liderlərilə görüşüb
13/01/2009
ABŞ-ın
növbəti vitse-prezidenti Co Bayden bu gün Bağdadda İraq rəsmilərilə
görüşüb. Cənab Bayden İraqın baş naziri
Nuri əl-Məliki ilə danışıqlardan sonra heç bir rəsmi açıqlama verməyib. Lakin
İraq mənbələrinə əsasən, danışıqların diqqət mərkəzində ABŞ hərbi qüvvələrinin
məsuliyyətli şəkildə İraqdan çıxarılması məsələsi olub. ABŞ-ın növbəti prezidenti Barak Obama 16 ay ərzində İraqdan
Amerikanın 140 min əsgərinin çıxarılacağına söz verib. Bu, ABŞ və İraq arasında
bu yaxınlarda təhlükəsizliyə dair müqavilədə göstərildiyindən daha erkən müddətdir. Vitse-prezident
Co Bayden Bağdaddan sonra Kərkükə səfər edib. Cənab Bayden neftlə zəngin
regionda siyasi vəziyyət nəticəsində bütün ölkədə yerli seçkilərin bir ay
təxirə salındığı Kərkükdə regional liderlərlə görüşüb.