سری لنکا کی وزارتِ دفاع نے کہا ہے کہ اُس کی فوجوں نے تامل ٹائیگر باغیوں کی انتظامیہ کے دارالحکومت پر قبضے کے چند ہی دنوں بعد باغیوں کے کنٹرول کے ایک اور اہم شہر پر قبضہ کرلیا ہے۔
فوج کے ایک ترجمان نے کہا ہے کہ ایسی کئى لڑائیوں کے بعد جن میں لگ بھگ 15 باغیوں کی ہلاکت کی اطلاع ملی ہے، فوج نے پیرکے روز او ڈوسُو ڈان پر قبضہ کرلیا۔ باغیوں کی ایک ویب سائٹ تامل نیٹ کا کہنا ہے کہ 55فوجی ہلاک اور مزید 80زخمی ہوئے ہیں۔تاہم کسی بھی دعوے کی غیر جانب دار ذرائع سے تصدیق نہیں کی جاسکی۔
فوجی عہدے داروں نے کہا ہے کہ اوڈوسُو ڈان، ایلی فینٹ پاس کے جنوبی حصّے میں واقع ہے اور شمالی جزیرہ نما جافنا کو باقی ملک سے ملانے والے اصل راستے پر ہے۔
سری لنکا کی فوجیں بدستور شمال مشرقی بندرگاہ کے شہر مُلائى تیوو کی جانب بڑھ رہی ہیں، جس پر ابھی تک باغیوں کا کنٹرول ہے۔
پیر کے روز ہی سری لنکا کی حکومت نے اُن فوجیوں کے احترام میں دو منٹ کی خاموشی اختیار کی، جو کلی نوچھی پر قبضے کے لیے لڑائى میں ہلاک ہوئے تھے۔