امریکہ کے صحت سے متعلق عہدے داروں نے کہا ہے کہ 2005ءاور
2007ءکے درمیان کئی امریکی شہروں میں ایک غیر قانونی طاقت ور دردکش دوا فینٹانِل کے استعمال سے ایک
ہزار سے زیادہ افراد ہلاک ہوئے ہیں۔
جمعرات کے روز بیماریوں کے کنٹرول کے امریکی مرکز کی جانب
سے جاری ہونے والی ایک نئی رپورٹ میں کہا گیا ہے کہ زیادہ مقدار میں دوا کے
استعمال سے فلاڈیلفیا، شکاگو، ڈیٹرائٹ اور
مشرقی امریکی ریاستوں ڈیلاویئر اور نیوجرسی میں کم از کم 1013افراد ہلاک ہوئے ہیں۔
قانونی طورپر ڈاکٹرفینٹانل کا استعمال درد کش دوا کے طور پرکرتے ہیں اور یہ اکثر اوقات سرطان کے مریضوں کو درد کی شدت میں
کمی لانے کے لیے دی جاتی ہے۔مگر رپورٹ میں کہا گیا ہے کہ یہ دوا بطور نشتہ
غیرقانونی طورپر بنائی اور بیچی جارہی ہے۔
سی ڈی سی کا کہنا ہے کہ فینٹانل کا سب سے زیادہ استعمال
2005ءمیں ہوا۔ عہدے داروں کا خیال ہے کہ اُس وقت یہ دوا غیر قانونی طورپر
میکسیکو کے شہر ٹولوک کی ایک فیکٹری میں تیار کی گئی تھی۔ حکام نے اس
فیکٹری کو 2006ءمیں بند کردیا تھا۔