رائے عامہ کے ایک نئے جائزے سے ظاہر ہوتا ہے کہ باراک اوباما مقبولیت میں جان میک کین سے آگے ہیں۔اس سروے میں ایک ہزار افراد نے شرکت کی ۔وال سٹریٹ جرنل اور این بی سی نیوز کے ایک مشترکہ سروے کے مطابق اوباما کو میک کین پر 41 کے مقابلے میں 47 فیصد برتری حاصل ہے،جب کہ دو ماہ قبل ایک جائزے میں اوباما کو چھہ کے بجائے محض تین فیصد اکثریت سے برتری حاصل تھی۔
اس کے علاوہ سینیٹر اوباما کو ایری زونا کے سینیٹر میک کین کے مقابلے میں بہت سے اہم گروپوں کی حمایت بھی حاصل ہے جن میں ہسپانوی نژاد آبادی اور سفید فام خواتین شامل ہیں۔ تاہم سفید فام امریکی مردوں کی اکثریت جان میک کین کی حامی ہے۔یہی گروپ تھا جنہوں نے 2004ءکے انتخابات میں اہم کردار ادا کیا تھا۔
جان میک کین ری پبلکن پارٹی کی طرف سے صدارتی امیدوار ہیں
گذشتہ ہفتے اوباما نے بالآخر اتنے مندوبین کے ووٹ حاصل کرلیے تھے جو نامزدگی کے لیے کافی تھے۔جس کے بعد ان کی حریف ہلیری کلنٹن نے براک اوباما کے حق میں دست بردار ہوکر ان کی حمایت کا اعلان کیا تھا۔