بدھ کے روز امریکی محکمہ تجارت نے کہا کہ 2008ءکی پہلی سہ ماہی میں معیشت ایک اعشاریہ چھ فیصد کی رفتار سے بڑھی جو توقع سے کہیں زیادہ تیز رفتار تھی تاہم یہ ابھی تک کمزور ہے۔
مجموعی ملکی پیداوار جی ڈی پی پر محکمے کی رپورٹ کے مطابق یہ شرح سابقہ تین ماہ کی رفتار سے مطابقت رکھتی تھی۔
اس میں یہ بھی کہا گیا کہ صارفین کی خریداری کی شرح میں ایک فیصد اضافہ ہوا جو 2001ءکے دوسری سہ ماہی کے بعد سے سب سے کم اضافہ ہے۔ امریکی اقتصادی سر گرمی کا دو تہائی دار ومدار صارفین کی خریداری پر ہوتاہے۔
گذشتہ ستمبر کے بعد سے یہ ساتواں موقع ہو گا جب فیڈرل ریزرو نے فیڈرل فنڈز کی شرح کو کم کیا ہے جو وہ شرح ہے جو بینک اور دوسرے مالیاتی ادارے اس وقت وصول کرتے ہیں جب وہ ایک دوسرے کو عام طور پر رات بھر کی بنیاد پر رقم ادھار دیتے ہیں۔