پوپ بینی ڈکٹ

پوپ بینی ڈِکٹ نے ویٹی کن میں اپنے کرسمس کے خطبے میں  مشرقِ وسطیٰ اور افریقہ میں امن کی اپیل کی ہے۔

پوپ نے جمعرات کے روز روم کے سینٹ پیٹر چوک میں ہزاروں لوگوں سے خطاب کرتےہوئے اُس مقدس سزمین کے طول و عرض میں بیت اللحم کے آسمانی نور کے پھیل جانے کی دعا کی جہاں اسرائیل فلسطین امن صورتِ حال مایوس کُن دکھائى دیتی ہے۔

انہوں نے زمبابوے،  ڈیموکریٹک ری پبلک آف کانگو، دارفُر اور صومالیہ کے حالات پر بھی افسوس کے اظہار کیا۔

بیت اللحم  کو روایتی طور پر حضرت عیسیٰ کی جائے پیدائش خیال کیا جاتا ہے ۔

 وہاں  لاطینی بطریق فواد طوال نے  بھی عبادتِ نیم شب کے اجتماع میں قیامِ امن کی دعا کی۔ بیت المقدس کے کیتھولک رہنما طوال نے کہا  کہ جنگ سے امن قائم نہیں ہوتا،  قید خانے امن کی ضمانت نہیں دیتے اور بلند ترین دیواریں سیکیورٹی فراہم نہیں کرتیں۔

بطریق کو سننے کے لیے آنے والے بہت سے مسیحی عقیدت مندوں کو کنکریٹ کی اُس دیوار سے گزرنا پڑا تھا جو بیت اللحم کو یروشلم سے جُدا کرتی ہے۔