VOANews.com

Ամերիկայի Ձայն ▪ Armenian Հեռուստատեսայինհաղորդումներ հայերենով

31 Դեկտեմբեր 2008 

Ամերիկայի Ձայնն այսօր:

Լուրեր 45 լեզուներով
Հրաժարվելով զինադադարի առաջարկներից` Իսրայելը շարունակում է Գազայի հատվածում տեղակայված Համասի թիրախների օդային ռմբակոծումը

31/12/2008

Palestinians carry a body from the rubble following an Israeli missile strike in Rafah, southern Gaza Strip, 27 Dec 2008
Արդեն հինգ օր է, ինչ Իսրայելը շարունակում է ռմբակոզել Համասի զինված ուժերը և Գազայի հատվածի ենթակառույցները` ի հեճուկս միջազգային կոչերին առ այն, որ այն անմիջապես դադարեցնի հարձակումը: Իսրայելը մերժել է նույնիսկ ժամանակավոր զինադադարի առաջարկները: Չնայած լայնամասշտաբ ավերածություններին և մոտ 400 պաղեստինցի զոհերին` Համասը նույնպես չի նահանջում` շարունակելով հրաձգությունները Իրսայելի ուղղությամբ:

Չորեքշաբթի առավոտյան Իսրայելի ռազմական օդանավերը Գազայի հատվածի այլ թիրախների թվում նաև ռմբակոծել են Համասի կառավարական շենքերը Գազա քաղաքում և Գազայի և Եգիպտոսի սահմանին գտնվող ստորգետնյա թունելները:

Միևնույն ժամանակ Իսրայելը շարունակում է մեծ թվոն զինամիավորներ տեղադրել Գազայի շրջակայքում` նախապատրաստվելով հնարավոր ցամաքային հարձակման:

Իսկ Իսրայելի որոշ հատվածներում Համասի արձակած հրթիռների մոտեցումը նախազգուշացնող ահազանգի ձայնը դարձել է ամենօրյա երևույթ:

Ներքին սահմանային ուժերի հրամանատար Աբրահամ Բեն Դավիթը լրատվամիջոցների հետ հանդիպմանը մանրամասնել է հարձակումների ընդլայնվող շրջանակը: Նա ասել է, որ հրթիռներ են արձակվում 40-ից 50 կմ շառավիղով: Բեն Դավիթը բնակչությանը կոչ է արել մնալ իրենց տներում կամ թաքնվել բունկերներում և ապահով սենյակներում, ինչպես նաև խուսափել ամբոխներից: Իսրայելն արդեն հինգ օր է շարունակում է ռազմական գործողությունները, որոնց նպատակն է ոչնչացնել Համասի ամրակետերը և Գազայի ենթակառույցները, ինչպես նաև վերջ դնել Իսրայելի ուղղությամբ իրականացվող հրթիռային հարձակումներին:

Մինչ այժմ Իսրայելն ընդառաջ չի գնացել Ֆրանսիայի այն առաջարկին, որ 48 ժամանոց զինադադար հայտարարվի, որպեսզի հնարավոր լինի մարդասիրական օգնություն հասցնել Գազայի հատված:

Աշքելոն քաղաք կատարած իր այցելության ժամանակ Իսրայելի նախագահ Շիմոն Պերեսը հայտարարել է, որ Ֆրանսիայի` զինադադարի առաջարկը բավականաչափ հստակ չէ: Նա նաև նշել է, որ Իսրայելի զինված ուժերը պատրաստ են ռազմական գործողությունների` հավելելով, որ այդ պատերազմը ոչ Իսրայելի նախաձեռնությամբ է, ոչ էլ` ցանկությամբ:

Չնայած զինադադար հայտարարելու միջազգային կոչերին` Իսրայելի պաշտոնյաներն ասում են, որ կշարունակեն հարձակումը, և պնդում են, որ զինադադարի ցանկացած պայմանագիր պետք է երաշխավորի, որ այլևս հրթիռներ չեն արձակվի Իսրայելի ուղղությամբ:

Չնայած զինուժի և ենթակառույցների կրած լայնամասշտաբ վնասներին և մարդկային զոհերի աճող թվին` Համասը նույնպես չի նահանջում: Համասի պաշտոնյաներն ասում են, որ զինադադար չեն խնդրում:

Համասի խոսնակ Ֆավզի Բարհումի խոսքերով, այժմ անհրաժեշտ է, որ արաբական և մահմեդական երկրներն անհապաղ միավորվեն, որպեսզի վերջ դնեն այս ագրեսիային և պաշարմանը, բացեն սահմանները և Գազան վերակառուցեն:

Համասն ասում է, որ Իսրայելն է պատասխանատու ներկա իրավիճակի համար:

Ընթացող բռնություններին զուգահեռ շարունակվում են նաև դրանց կասեցմանն ուղղված դիվանագիտական ջանքերը: Արաբական լիգայի երկրների արտգործնախարարները ճգնաժամը քննարկելու նպատակով հանդիպել են Կահիրեում: Իրանի նախագահ Մահմուդ Ահմադինեջադը Արաբական լիգային կոչ է արել խոսելուց բացի համապատասխան գործողությունների դիմել: Չորեքշաբթի օրը Թուրքիայի վարչապետ Ռեսեպ Թայիպ Էրդողանը բանակցություններ է հրավիրել Սիրիայի և Հորդանանի հետ: Նա նաև պատրաստվում է Եգիպտոս և Սաուդյան Արաբիա այցելել: Հինգշաբթի օրը Իսրայելի արտգործնախարար Ցիպի Լիվնին բանակցությունների նպատակով կմեկնի Փարիզ, իսկ Ֆրանսիայի նախագահ Նիկոլա Սարկոզին, հնարավոր է, Իսրայել այցելի հաջորդ շաբաթվա սկզբին:


E-mail This Article Հոդվածը ուղարկել
Print This Article Տպագիր տարբերակ
  Գլխավոր նյութեր

  Հավելյալ նյութեր
ԱՄՆ-ի նոր Կոնգրեսի առաջին նստաշրջանի մեկնարկին զուգորդել են որոշ աղմկահարույց իրադարձություններ
Գազայի գոտում անցած երկու շաբաթների ընթացքում զոհվել է ավելի քան 7ՕՕ պաղեստինցի
Գազայի հատվածում ընթացող պատերազմական գործողությունների զոհերի թիվը շարունակում է աճել
Տնտեսական ճգնաժամի արդյունքում զգալի նվազել է համաշխարհային արտադրությունը
Բարակ Օբաման դիմակայում է լուրջ խնդիրներ միջազգային եւ ներքին քաղաքականության բնագավառում
Ռուսաստանը դադարեցրել է գազի մատակարարումն Ուկրաինային
Հրաժարվելով զինադադարի առաջարկներից` Իսրայելը շարունակում է Գազայի հատվածում տեղակայված Համասի թիրախների օդային ռմբակոծումը
Պակիստանցիները սգում են Բենազիր Բհուտոյի մահվան տարելիցին
Հնարավոր է, որ հունվարի 4-ին Վրաստանն ու ԱՄՆ-ը ռազմավարական համագործակցության պայմանագիր ստորագրեն
Ավելացել է ԱՄՆ-ի կարիքավոր համայնքների դպրոցներում կամավոր սկզբունքով ուսուցիչ աշխատելու ցանկություն հայտնած երիտասարդների թիվը
ԱՄՆ-ում վերջերս բացահայտված ինվեստիցիոն խարդախությունը մարդկային կյանք է խլել
Ո՞րն է լինելու Գուանտանամոյի կալանատան ապագան
Կամավորները շուրջ հարյուր հազար պսակներ են տեղադրել ԱՄՆ-ի գերեզմանոցներում` ի հիշատակ զոհված զինվորների
ԱՄՆ-ում երկու միլիոն շենքերի վերանորոգում ենթադրող էներգետիկ նոր ծրագիրը կարող է հանդիսանալ որպես տնտեսական ճգնաժամի և գլոբալ տաքացման հնարավոր լուծում
Հայաստանյան կացության մասին հարցազրույց Freedom House-ի վերլուծաբանի հետ  Video clip available
Քաղաքական կոռուպցիայի դեպքերն ԱՄՆ-ի պատմության ընթացքում
ԱՄՆ-ը ճգնաժամային փոխառություններ է տրամադրում ավտոարդյունաբերական ընկերությունների գոյատևման համար
Հեռուստամարաթոն Լոս Անջելեսում՝ ի պաշտպանություն Հայաստանի քաղբանտարկյալների  Video clip available
Ի պատասխան Մումբայիի հարձակումներին` Հնդկաստանը Պակիստանի վրա ռազմական հարձակում չի նախատեսում
ԱՄՆ-ում գործազուրկների թիվը հասել է 31 միլիոնի. միլիոնավոր ամերիկացիներ ստիպված են սննդի կտրոններ օգտագործել
Կշարունակի՞ Հազարամյակի մարտահրավեր կորպորացիան Հայաստանի հետ համագործակցությունը
Հրապարակվել է ԱՄՆ-ի Գիտությունների ազգային ակադեմիային կից  գործող դեղագործության ինստիտուտի համաշխարհային առողջապահության բնագավառին վերաբերող տարեկան զեկույցը
Ավտոարդյունաբերության պետական աջակցության ծրագրի ձախողումը բացասաբար է ազդել աշխարհի ավտոարդյունաբերության վրա
Օբաման հերքել է Իլինոյսի նահանգապետի հետ անպատշաճ կապերի մասին հայտարարությունները
Վրացական խնդրի ապագան ԱՄՆ-ի նոր վարչակազմի օրոք