|
براکا اوباما شمالی کیرولائنا میں تقریر کرتے ہوئے |
ڈیموکریٹک پارٹی کے صدارتی امیدوار براک اوباما نے اب تک کے اپنے سخت ترین بیان میں نسل اور امریکی حکومت کے بارے میں اپنے سابق پادری کے حالیہ بیانات پر شدید غم و غصے کا اظہار کیا ہے۔
اوباما نے شمالی کیرولائنا میں گفتگو کرتےہوئے کہا کہ پادری جرمیا رائٹ کےبیانات تباہ کن، تفرقہ پیدا کرنے والے اور تمام امریکیوں کے لیے دل آزار تھے۔
ا وباما نے کہا کہ رائٹ کے دعوے کا کوئی جواز نہیں ہے۔ رائٹ نے یہ دعویٰ بھی کیا تھا کہ ایڈز کے پھیلانے میں امریکہ کا ہاتھ ہے۔
رائٹ واشنگٹن کےقومی پریس کلب میں بدھ کے روز اپنے وعظوں کا دفاع کرنے کے لیے پیش ہوئے تھے۔
یہ پیش رفت ایسے وقت میں ہوئی ہے جب اوباما کی حریف ہلیری کلنٹن کو شمالی کیرولائنا کے گورنر کی طرف سے حمایت حاصل ہوئی ہے۔